ಧೋನಿ ಹುಟ್ಟುಹಬ್ಬ-ಓಂ ಹೆಲಿಕಾಪ್ಟ್ರೇಯ ನಮಃ' ಎಂದ ಸೆಹ್ವಾಗ್

•   Thu, Jul 07 2022 12:54:26 PM



• ನವದೆಹಲಿ, ಜು 07 (DaijiworldNews/DB): ಕೂಲ್ ಕ್ಯಾಪ್ಟನ್ ಎಂ.ಎಸ್. ಧೋನಿ ಅವರಿಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ಕ್ರಿಕೆಟ್ ತಾರೆಯರು, ಅಭಿಮಾನಿಗಳು ಸೇರಿದಂತೆ ಧೋನಿ ಹುಟ್ಟುಹಬ್ಬಕ್ಕೆ ಶುಭಾಶಯಗಳ ಸುರಿಮಳೆಯೇ ಹರಿದು ಬರುತ್ತಿದೆ.

  ಕ್ರಿಕೆಟಿಗ ವೀರೇಂದ್ರ ಸೆಹ್ವಾಗ್‌ ಮಾತ್ರ ಧೋನಿ ಹುಟ್ಟುಹಬ್ಬಕ್ಕೆ ವಿಶೇಷವಾಗಿ ವಿಶ್ ಮಾಡಿದ್ದಾರೆ. ಹೆಲಿಕಾಪ್ಟರ್ ಶಾಟ್‌ಗೆ ಪ್ರಸಿದ್ದಿಯಾಗಿರುವ ಧೋನಿಗೆ ವೀರೇಂದ್ರ ಸೆಹ್ವಾಗ್ ಅವರು ಓಂ ಹೆಲಿಕಾಪ್ಟೇಯ ನಮಃ ಎಂದು ಬರ್ತ್‌ಡೇಗೆ ಶುಭ ಕೋರಿದ್ದಾರೆ.

  ಧೋನಿ ಜೊತೆಗಿರುವ ಹಳೆಯ ಫೋಟೋವೊಂದನ್ನು ಪ್ರಕಟಿಸಿರುವ ಸೆಹ್ವಾಗ್, ಒಂದು ಫುಲ್ ಸ್ಟಾಪ ಇಲ್ಲದಿದ್ದರೆ ವಾಕ್ಯ ಹೇಗೆ ಪೂರ್ತಿಯಾಗುವುದಿಲ್ಲವೋ, ಧೋನಿ ಕ್ರೀಸ್‌ನಲ್ಲಿರದೆ ಪಂದ್ಯವೂ ಪೂರ್ಣಗೊಳ್ಳುವುದಿಲ್ಲ. ಧೋನಿಯಂತಹ ನಾಯಕ ಸಿಗುವ ಭಾಗ್ಯ ಎಲ್ಲಾ ತಂಡಗಳಿಗೆ ಸಿಗುವುದಿಲ್ಲ.. ಹ್ಯಾಪಿ ಬರ್ತ್ ಡೇ ಮಹಿ. ಓಂ ಹೆಲಿಕಾಪ್ಟ್ರೇಯ ನಮಃ' ಎಂದು ಶುಭ ಕೋರಿದ್ದಾರೆ.