ಕಾಮನ್‌ವೆಲ್ತ್‌ ಗೇಮ್ಸ್‌ಗೆ ಹೊರಡುವ ಮುನ್ನ ದೇವರಿಗೆ ಪೂಜೆ ಸಲ್ಲಿಸಿದ ಭಾರತ ಹಾಕಿ ತಂಡ

•   Sat, Jul 23 2022 12:13:41 PM



• ಬೆಂಗಳೂರು, ಜು 23 (DaijiworldNews/DB): ಕಾಮನ್‌ವೆಲ್ತ್‌ ಗೇಮ್ಸ್‌ ಇನ್ನೇನು ಕೆಲವೇ ದಿನಗಳಲ್ಲಿ ಆರಂಭವಾಗಿದ್ದು, ಪಂದ್ಯಕ್ಕೆ ಹೊರಡುವ ಮುನ್ನ ಆಟಗಾರರು ದೇವರ ಮೊರೆ ಹೋಗಿದ್ದಾರೆ. ಪಂದ್ಯ ಸಾಂಗವಾಗಿ ನೆರವೇರಲು ಭಾರತೀಯ ಹಾಕಿ ತಂಡವು ಬೆಂಗಳೂರಿನಲ್ಲಿ ದೇವರಿಗೆ ವಿಶೇಷ ಪೂಜೆ ಸಲ್ಲಿಸಿತು.

  ಕಾಮನ್‌ವೆಲ್ತ್‌ ಗೇಮ್ಸ್‌ ಭಾರತ ಹಾಕಿ ತಂಡದ ಪಾಲಿಗೆ ಮಹತ್ವದ ಆಟವಾಗಿದೆ. ಈ ಬಾರಿಯ ಗೇಮ್ಸ್‌ನಲ್ಲಿ ಜುಲೈ 31ರಂದು ಭಾರತ ತಂಡವು ಇಂಗ್ಲೆಂಡ್ ವಿರುದ್ದದ ಪಂದ್ಯ ಆಡಲಿದ್ದು, ಇದು ಅಧಿಕೃತ ಆರಂಭವಾಗಲಿದೆ.

  ಪಂದ್ಯ ಸಾಂಗವಾಗಿ ನೆರವೇರಲು ಮತ್ತು ಗೆಲುವಿನ ನಗೆ ಬೀರಲು ಆಟಗಾರರ ಸಾಮರ್ಥ್ಯದೊಂದಿಗೆ ದೇವರ ಆಶೀರ್ವಾದವೂ ಬೇಕು. ಅದಕ್ಕಾಗಿಯೇ ಹಾಕಿ ತಂಡವು ಬೆಂಗಳೂರಿನ ದೇವಸ್ಥಾನವೊಂದಕ್ಕೆ ಆಗಮಿಸಿ ದೇವರಿಗೆ ವಿಶೇಷ ಪೂಜೆ ಸಲ್ಲಿಸಿತು.