ರಿಷಬ್ ಪಂತ್ ಕ್ಷಮೆಯಾಚಿಸಿದ ನಟಿ ಊರ್ವಶಿ ರೌಟೇಲಾ!

•   Wed, Sep 14 2022 12:40:27 PM



• ಮುಂಬೈ, ಸೆ 14 (DaijiworldNews/DB): ಕ್ರಿಕೆಟಿಗ ರಿಷಬ್ ಪಂತ್ ಅವರು ತಮ್ಮ ಹಿಂದೆ ಬಿದ್ದಿದ್ದಾರೆ ಎನ್ನುವ ಮೂಲಕ ರಿಷಬ್ ಕೋಪಕ್ಕೆ ಗುರಿಯಾಗಿದ್ದ ನಟಿ ಊರ್ವಶಿ ರೌಟೇಲಾ ಇದೀಗ ರಿಷಬ್ ಪಂತ್‌ಗೆ ಕ್ಷಮೆ ಯಾಚಿಸಿದ್ದಾರೆ. ಸಂದರ್ಶನವೊಂದರಲ್ಲಿ ಅವರು ಕ್ಷಮೆ ಯಾಚನೆ ಮಾಡಿದ್ದಾರೆ.

  ಸಿನೆಮಾಗಳಿಗಿಂತ ಹೆಚ್ಚು ಫ್ಯಾಶನ್ ಶೋಗಳಲ್ಲೇ ಕಾಣಿಸಿಕೊಳ್ಳುತ್ತಿರುವ ಊರ್ವಶಿ ಕನ್ನಡದಲ್ಲಿ ಚಾಲೆಂಜಿಂಗ್ ಸ್ಟಾರ್‍ ದರ್ಶನ್ ಅವರೊಂದಿಗೆ ಮಿ. ಐರಾವತ ಚಿತ್ರದಲ್ಲಿ ನಟಿಸಿದ್ದರು. ಹಿಂದೆ ಸಂದರ್ಶನವೊಂದರಲ್ಲಿ ಮಾತನಾಡುತ್ತಾ ಆರ್‌ಪಿ ಎಂಬ ಪ್ರಸಿದ್ದ ವ್ಯಕ್ತಿಯೊಬ್ಬರು ತನ್ನ ಹಿಂದೆ ಬಿದ್ದಿದ್ದಾರೆ ಮತ್ತು ಇನ್ನಿಲ್ಲದಂತೆ ನನ್ನನ್ನು ಕಾಡಿದ್ದರು ಎಂದು ಪರೋಕ್ಷವಾಗಿ ಕ್ರಿಕೆಟಿಗ ರಿಷಬ್ ಪಂತ್‌ರನ್ನು ಉದ್ದೇಶಿಸಿ ಮಾತನಾಡುವ ಮೂಲಕ ರಿಷಬ್ ಕೋಪಕ್ಕೆ ಗುರಿಯಾಗಿದ್ದರು. ಊರ್ವಶಿ ಮಾತಿಗೆ ಸೂಕ್ತವಾಗಿಯೇ ತಿರುಗೇಟು ನೀಡಿದ್ದ ರಿಷಬ್ ಪಂತ್, ಕೆಲವರು ಬಿಟ್ಟಿ ಪ್ರಚಾರಕ್ಕಾಗಿ ಏನೇನೆಲ್ಲಾ ಮಾಡುತ್ತಾರೆ. ಇಂತಹವುಗಳನ್ನು ನೋಡಿದಾಗ ಬೇಸರವಾಗುತ್ತದೆ. ದೇವರು ಅವರಿಗೆ ಒಳ್ಳೆಯದು ಮಾಡಲಿ, ನನ್ನನ್ನು ಬಿಟ್ಟು ಬಿಡಿ ಸಹೋದರಿ ಎಂದು ಬರೆದುಕೊಂಡಿದ್ದರು.

  ರಿಷಬ್ ಮತ್ತು ಊರ್ವಶಿ ನಡುವಿನ ಟ್ವೀಟ್ ವಾರ್ ತಣ್ಣಗಾಗುವ ವೇಳೆಗೆ ಪಾಕ್ ಬೌಲರ್ ನಸೀಮ್ ಶಾ ಮತ್ತು ಊರ್ವಶಿಯ ಫೋಟೋವನ್ನು ಸೇರಿಸಿ ಯಾರೋ ಎಡಿಟ್ ಮಾಡಿದ ವೀಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿ ಮತ್ತೆ ಟ್ರೋಲ್‌ಗೆ ಗುರಿಯಾಗಿದ್ದರು. ನಸೀಮ್ ಶಾ ಊರ್ವಶಿ ನೋಡಿ ನಕ್ಕಂತೆ ಮತ್ತು ಅದಕ್ಕೆ ಊರ್ವಶಿ ಪ್ರತಿಕ್ರಿಯಿಸಿದಂತೆ ಹಿಂದಿ ಹಾಡು ಸೇರಿಸಿ ಈ ವೀಡಿಯೋವನ್ನು ಹರಿಯಬಿಡಲಾಗಿತ್ತು.

  ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ರಿಷಬ್ ಪಂತ್‌ಗೆ ಏನು ಸಂದೇಶ ಕಳುಹಿಸುವಿರಿ ಎಂದು ಸಂದರ್ಶಕರು ಕೇಳಿದ ಅನಿರೀಕ್ಷಿತ ಪ್ರಶ್ನೆಗೆ ಊರ್ವಶಿ ತಬ್ಬಿಬ್ಬಾಗಿದ್ದಾರೆ. ಬಳಿಕ ಸಾವರಿಸಿಕೊಂಡು ಏನು ಹೇಳಬೇಕೆಂದು ನನಗೆ ತೋಚುತ್ತಿಲ್ಲ. ಕ್ಷಮಿಸಿ, ನನ್ನನ್ನು ಕ್ಷಮಿಸಿ ಎಂದು ಕೈ ಮುಗಿದಿದ್ದಾರೆ.