ಹಾರ್ದಿಕ್ ಪಾಂಡ್ಯಾಗೆ ವ್ಯಂಗ್ಯವಾಡಿದ ಪಾಕ್‌ ನಟಿಗೆ ಭಾರತೀಯರ ಟ್ವೀಟಾಸ್ತ್ರ

•   Fri, Sep 23 2022 11:03:42 AM



• ಮುಂಬೈ, ಸೆ 23 (DaijiworldNews/DB): ಕ್ರಿಕೆಟಿಗ ಹಾರ್ದಿಕ್ ಪಾಂಡ್ಯರನ್ನು ಟ್ವಿಟರ್‌ನಲ್ಲಿ ಟ್ರೋಲ್ ಮಾಡಿದ ಪಾಕ್‌ ನಟಿಗೆ ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ಸರಿಯಾಗಿ ಠಕ್ಕರ್ ನೀಡಿದ್ದಾರೆ. ನಿಮ್ಮ ದೇಶದ ಆರ್ಥಿಕ ಸುಧಾರಣೆ ಬಗ್ಗೆ ಮೊದಲು ಯೋಚಿಸಿ ಎಂದು ನಟಿಗೆ ಬೆಂಡೆತ್ತಿದ್ದಾರೆ.

  ಆಸ್ಟ್ರೇಲಿಯಾ ವಿರುದ್ಧ ಮೊದಲ ಟಿ20 ಪಂದ್ಯದಲ್ಲಿ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ತೋರಿಸಿದರೂ ಟೀಂ ಇಂಡಿಯಾ ಸೋಲನುಭವಿಸಿತ್ತು. ಈ ಸೋಲಿನ ಬಳಿಕ ನಾವು ಮುಂದಿನ ಪಂದ್ಯದಲ್ಲಿ ಸುಧಾರಿಸಿ ಉತ್ತಮ ಪ್ರದರ್ಶನ ನೀಡುತ್ತೇವೆ ಎಂಬುದಾಗಿ ಹಾರ್ದಿಕ್ ಪಾಂಡ್ಯ ಟ್ವೀಟ್ ಮಾಡಿದ್ದರು. ಇದಕ್ಕೆ ಪಾಕ್ ನಟಿ ಸೆಹರ್ ಶಿನ್ವಾರಿ, ’ಅಕ್ಟೋಬರ್ 23ರಂದು ನಡೆಯುವ ಪಾಕ್‌ ವಿರುದ್ದದ ಪಂದ್ಯದಲ್ಲಿ ಸೋಲನುಭವಿಸಿ. ಆಕೆ ಸುಧಾರಿಕೆ ಇನ್ನಷ್ಟು ಕಾಣಬಹುದು ಎಂದು ನಗುವಿನ ಇಮೋಜಿಯೊಂದಿಗೆ ವ್ಯಂಗ್ಯವಾಗಿ ಪ್ರತಿಕ್ರಿಯಿಸಿದ್ದರು.

  ಪಾಕ್‌ ನಟಿಯ ಈ ಟ್ವೀಟ್‌ ಭಾರತೀಯ ಕ್ರಿಕೆಟ್ ಅಭಿಮಾನಿಗಳನ್ನು ಕೆರಳಿಸಿದೆ. ಭಾರತೀಯ ಕ್ರಿಕೆಟಿಗನನ್ನು ವ್ಯಂಗ್ಯ ಮಾಡಿದ ಪಾಕ್‌ ನಟಿಗೆ ಭಾರತೀಯರು ಠಕ್ಕರ್ ನೀಡಿದ್ದಾರೆ. ಮೊದಲು ನಿಮ್ಮ ದೇಶದ ಆರ್ಥಿಕತೆಯನ್ನು ಮೇಲೆತ್ತುವುದು ಹೇಗೆ ಎಂದು ಯೋಚಿಸಿ ಎಂಬುದಾಗಿ ಕೆಲವು ಕಾಮೆಂಟ್ ಹಾಕಿದ್ದರೆ, ಇನ್ನು ಕೆಲವರು ನಿಮಗೆ ನಿಮ್ಮ ಟೀಂ ಮೇಲೆಯೇ ಯಾವುದೇ ವಿಶ್ವಾಸ, ನಂಬಿಕೆ ಇಲ್ಲ. ನೀವು ಗೆಲ್ಲಬೇಕಾದರೆ ಭಾರತ ತಂಡದ ಕಾಲು ಹಿಡಿಯುವ ಪರಿಸ್ಥಿತಿ ಇದೆ ಎಂದಿದ್ದಾರೆ.

  Please lose next match to Pakistan on 23rd October you will learn more from it 😂

  — Sehar Shinwari (@SeharShinwari) September 20, 2022