ಐಎಸ್‌ಎಸ್‌ಎಫ್‌ ಶಾಟ್‌ಗನ್ ವಿಶ್ವ ಚಾಂಪಿಯನ್‌ಷಿಪ್‌-ಭಾರತಕ್ಕೆ ಚಿನ್ನ

•   Sun, Sep 25 2022 12:00:30 PM



• ಒಸಿಜೆಕ್‌, ಕ್ರೊವೇಷ್ಯಾ, ಸೆ 25 (DaijiworldNews/DB): ಕ್ರೊವೇಷ್ಯಾದ ಒಸಿಜೆಕ್‌‌ನಲ್ಲಿ ನಡೆಯುತ್ತಿರುವ ಐಎಸ್‌ಎಸ್‌ಎಫ್‌ ಶಾಟ್‌ಗನ್ ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ ಭಾರತದ ಜೂನಿಯರ್ ಪುರುಷರ ಟ್ರ್ಯಾಪ್ ತಂಡವು ಚಿನ್ನದ ಪದಕ ಗಳಿಸಿದೆ.

  ಫೈನಲ್‌ ಪಂದ್ಯ ಶನಿವಾರ ನಡೆದಿದ್ದು, ಭಾರತದ ಶೂಟರ್‌ಗಳು 6-4ರಿಂದ ಇಟಲಿ ತಂಡವನ್ನು ಪರಾಭವಗೊಳಿಸಿ ಚಿನ್ನಕ್ಕೆ ಮುತ್ತಿಕ್ಕಿದರು. ಇಟಲಿ ಬೆಳ್ಳಿ ಪದಕ ಗಳಿಸಿದರೆ, ಅಮೆರಿಕ ತಂಡ ಕಂಚು ಪದಕಕ್ಕೆ ಕೊರಳೊಡ್ಡಿತು.

  ಚಾಂಪಿಯನ್‌ಷಿಪ್‌ನಲ್ಲಿ ಇದೇ ಮೊದಲ ಬಾರಿ ಭಾರತ ಪದಕ ಗಳಿಸಿದೆ. ಶಪಥ್ ಭಾರಧ್ವಾಜ್, ಶಾರ್ದೂಲ್ ವಿಹಾನ್ ಮತ್ತು ಆರ್ಯವಂಶ್ ತ್ಯಾಗಿ ಭಾರತ ತಂಡದಲ್ಲಿದ್ದರು.