ಭಾರತ-ಸೌತ್ ಆಫ್ರಿಕಾ ನಡುವಿನ ಟಿ20 ಪಂದ್ಯ-ಕೊಹ್ಲಿ, ರೋಹಿತ್ ಕಟೌಟ್ ಪೈಪೋಟಿ

•   Wed, Sep 28 2022 01:48:16 PM



• ತಿರುವನಂತಪುರಂ, ಸೆ 28 (DaijiworldNews/DB): ಭಾರತ ಮತ್ತು ಸೌತ್ ಆಫ್ರಿಕಾ ನಡುವಿನ ಟಿ20 ಪಂದ್ಯವು ತಿರುವಂತನಂತಪುರದ ಗ್ರೀನ್​ಫೀಲ್ಡ್​ ಮೈದಾನದಲ್ಲಿ ಇಂದು ನಡೆಯಲಿದ್ದು, ಪಂದ್ಯ ಆರಂಭಕ್ಕೂ ಮುನ್ನ ಕೊಹ್ಲಿ, ರೋಹಿತ್ ಅಭಿಮಾನಿಗಳು ತಮ್ಮ ನೆಚ್ಚಿನ ಕ್ರಿಕೆಟಿಗರಿಗೆ ಶುಭ ಕೋರಲು ಕಟೌಟ್ ಪೈಪೋಟಿ ಆರಂಭಿಸಿದ್ದಾರೆ.

  ಅಖಿಲ ಕೇರಳ ವಿರಾಟ್ ಕೊಹ್ಲಿ ಅಭಿಮಾನಿಗಳ ಬಳಗವು ಪಂದ್ಯ ನಡೆಯುವ ಮೈದಾನದ ಬಳಿ ಮಂಗಳವಾರವಷ್ಟೇ ಕೊಹ್ಲಿಯ 100 ಅಡಿಯ ಕಟೌಟ್ ಹಾಕಿದ್ದರು. ಬುಧವಾರ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾರ ಅಭಿಮಾನಿಗಳು ರೋಹಿತ್ ಕಟೌಟ್‌ನ್ನು ಕೊಹ್ಲಿ ಕಟೌಟ್ ಪಕ್ಕದಲ್ಲಿಯೇ ಹಾಕಿ ಗಮನ ಸೆಳೆದಿದ್ದಾರೆ. ಸದ್ಯ ಇಬ್ಬರ ಬೃಹದಾಕಾರದ ಕಟೌಟ್‌ಗಳು ಮೈದಾನದಲ್ಲಿ ಗಮನ ಸೆಳೆಯುತ್ತಿದೆ.

  ಭಾರತ-ಸೌತ್ ಆಫ್ರಿಕಾ ಟಿ20 ಸರಣಿಯಡಿ ಇಂದು (ಸೆಪ್ಟೆಂಬರ್ 28) ತಿರುವನಂತಪುರದಲ್ಲಿ ಮೊದಲ ಟಿ20 ಪಂದ್ಯ, ಅಕ್ಟೋಬರ್ 2ರಂದು ಗೌಹಾಟಿಯಲ್ಲಿ, ಅಕ್ಟೋಬರ್ 4ರಂದು ಇಂದೋರ್‌ನಲ್ಲಿ ಪಂದ್ಯ ನಡೆಯಲಿದೆ.

  ಭಾರತ ಟಿ20 ತಂಡದಲ್ಲಿ ರೋಹಿತ್ ಶರ್ಮಾ (ನಾಯಕ), ಕೆ.ಎಲ್. ರಾಹುಲ್ (ಉಪನಾಯಕ), ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ಶ್ರೇಯಸ್ ಅಯ್ಯರ್, ರಿಷಭ್ ಪಂತ್ (ವಿಕೆಟ್-ಕೀಪರ್), ದಿನೇಶ್ ಕಾರ್ತಿಕ್ (ವಿಕೆಟ್-ಕೀಪರ್), ಆರ್. ಅಶ್ವಿನ್, ಯುಜ್ವೇಂದ್ರ ಚಹಲ್, ಅಕ್ಷರ್ ಪಟೇಲ್, ಅರ್ಷದೀಪ್ ಸಿಂಗ್, ಹರ್ಷಲ್ ಪಟೇಲ್, ದೀಪಕ್ ಚಹಾರ್, ಶಹಬಾಜ್ ಅಹ್ಮದ್, ಜಸ್ಪ್ರೀತ್ ಬುಮ್ರಾ ಇದ್ದಾರೆ.