ಅಂತಾರಾಷ್ಟ್ರೀಯ ಫುಟ್ಬಾಲ್‌ನಿಂದ ನಿವೃತ್ತಿ- ಲಯನೆಲ್‌ ಮೆಸ್ಸಿ ಸೂಚನೆ

•   Fri, Oct 07 2022 12:04:04 PM



• ಅರ್ಜೆಂಟೀನಾ, ಅ 07 (DaijiworldNews/DB): ಅರ್ಜೆಂಟೀನಾ ಫುಟ್ಬಾಲ್‌ ಆಟಗಾರ ಲಯನೆಲ್‌ ಮೆಸ್ಸಿ ಅಂತಾರಾಷ್ಟ್ರೀಯ ಫುಟ್ಬಾಲ್‌ ಆಟದಿಂದ ನಿವೃತ್ತಿ ಪಡೆಯುವ ಸೂಚನೆ ನೀಡಿದ್ದಾರೆ. ಮುಂದಿನ ಕತಾರ್‌ ವಿಶ್ವ ಕಪ್‌ ಅಚರ ವೃತ್ತಿ ಜೀವನದ ಕೊನೆಯ ಪಂದ್ಯವಾಗಲಿದೆ.

  ಕೋಟ್ಯಾಂತರ ಅಭಿಮಾನಿಗಳನ್ನು ಸಂಪದಿಸಿರುವ ಫುಟ್ಬಾಲ್‌ ಆಟಗಾರ, ಅರ್ಜೆಂಟೀನಾ ತಂಡದ ನಾಯಕ 35 ವರ್ಷದ ಲಯನೆಲ್‌ ಮೆಸ್ಸಿ ಅವರೇ ತಮ್ಮ ನಿವೃತ್ತಿ ಬಗ್ಗೆ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ. ಅವರೇ ಹೇಳಿರುವಂತೆ ನವೆಂಬರ್‌ 2ರಿಂದ ಆರಂಭಗೊಂಡು ಡಿಸೆಂಬರ್‌ 18ರವರೆಗೆ ಕತಾರ್‌‌ನಲ್ಲಿ ನಡೆಯುವ ಫಿಫಾ ವಿಶ್ವ ಕಪ್‌‌ನಲ್ಲಿ ಕೊನೆಯದಾಗಿ ಆಡಲಿದ್ದಾರೆ.

  ವಿಶ್ವಕಪ್ ಹೊರತುಪಡಿಸಿ ಬೇರೆಲ್ಲಾ ಟ್ರೋಫಿಗಳನ್ನು ತಮ್ಮದಾಗಿಸಿಕೊಂಡಿರುವ ಮೆಸ್ಸಿ, ಈ ಬಾರಿಯ ವಿಶ್ವ ಕಪ್‌ನಲ್ಲಿ ಟ್ರೋಫಿ ತನ್ನದಾಗಿಸಿಕೊಳ್ಳುವ ಗುರಿ ಹೊಂದಿದ್ದಾರೆ. ಈ ಬಾರಿ ನನ್ನ ವೃತ್ತಿ ಜೀವನದ ಕೊನೆಯ ವಿಶ್ವಕಪ್ ಆಗಿರುವುದರಿಂದ ಉತ್ತಮ ಪ್ರದರ್ಶನದೊಂದಿಗೆ ಟ್ರೋಫಿಗೆ ಗುರಿಯಿಟ್ಟುಕೊಂಡು ಆಡಲಿದ್ದೇನೆ ಎಂದಿದ್ದಾರೆ.

  ಅಂತಾರಾಷ್ಟ್ರೀಯ ಮಟ್ಟದ ಪಂದ್ಯಗಳಿಗೆ ವಿದಾಯ ಹೇಳಿದರೂ, ಸ್ಥಳೀಯ ಮಟ್ಟದ ಸ್ಪರ್ಧೆಗಳಲ್ಲಿ ಅವರು ಸ್ಪರ್ಧೆ ನಡೆಸಲಿದ್ದಾರೆ.