'ನಿನ್ನ ಜೀವನದ ಭಾಗ ಆಗೋದಕ್ಕೆ ನಾನು ಅದೃಷ್ಟ ಮಾಡಿದ್ದೆ'- ಶೋಭಿತಾ ವಿಡಿಯೋಗೆ ನಾಗಚೈತನ್ಯ ಕಮೆಂಟ್‌

•   Thu, Dec 04 2025 08:08:57 PM



• ಹೈದರ್‌ಬಾದ್‌,ಡಿ. 04 (DaijiworldNews/ AK): ಟಾಲಿವುಡ್‌ನ ನಟ ನಾಗ ಚೈತನ್ಯ ನಟಿ ಸಮಂತಾರಿಂದ ವಿಚ್ಛೇದನ ಪಡೆದ ಬಳಿಕ ಶೋಭಿತಾ ಧುಲಿಪಲಾ ಜೊತೆ ಎರಡನೇ ಮದುವೆ ಮಾಡಿಕೊಂಡಿದ್ದರು.

  2024ರ ಡಿಸೆಂಬರ್ 04 ರಂದು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಈ ಜೋಡಿ ಹಸೆಮಣೆ ಏರಿ ಇಂದಿಗೆ (ಡಿ.04) ಒಂದು ವರ್ಷವಾಗಿದೆ. ಈ ಹಿನ್ನೆಲೆ ಮದುವೆಯ ವಿಡಿಯೋವನ್ನ ಜಾಲತಾಣದಲ್ಲಿ ಹಂಚಿಕೊಂಡು ವಿಶೆಷವಾಗಿ ಶುಭ ಹಾರೈಸಿದ್ದಾರೆ ಶೋಭಿತಾ.

  ನಾಗಚೈತನ್ಯ ಹಾಗೂ ಶೋಭಿತಾ ಮದ್ವೆಯಾಗಿ ಒಂದು ವರ್ಷ ತುಂಬುವಷ್ಟರಲ್ಲೇ ನಾಗಚೈತನ್ಯ ಮಾಜಿ ಪತ್ನಿ ಸಮಂತಾ ರುತ್‌ಪ್ರಭು ಎರಡನೇ ಮದುವೆಯಾಗಿದ್ದಾರೆ.

  ವೈವಾಹಿಕ ಜೀವನಕ್ಕೆ ಕಾಲಿಟ್ಟು ಒಂದು ವರ್ಷದ ಹಿನ್ನಲೆ ಮದುವೆ ವಿಡಿಯೋ ಹಂಚಿಕೊಂಡ ಶೋಭಿತಾಗೆ ಜಾಲತಾಣದಲ್ಲಿ ವಿವಿಧ ರೀತಿಯ ಕಾಮೆಂಟ್ಸ್‌ ಬರುತ್ತಿವೆ. ಇನ್ನು ನಾಗಚೈತನ್ಯ ಈ ವಿಡಿಯೋಗೆ ಕಾಮೆಂಟ್ ಹಾಕಿದ್ದಾರೆ. ನಿನ್ನ ಜೀವನದ ಭಾಗ ಆಗೋದಕ್ಕೆ ನಾನು ಅದೃಷ್ಟ ಮಾಡಿದ್ದೆ ಎಂದು ಶೋಭಿತಾ ವಿಡಿಯೋಗೆ ನಾಗಚೈತನ್ಯ ಕಮೆಂಟ್ ಹಾಕಿದ್ದಾರೆ. ಈ ಕಾಮೆಂಟ್‌ಗೆ ಅಪಾರ ಮೆಚ್ಚುಗೆ ವ್ಯಕ್ತವಾಗಿದೆ.