ಲಡಾಕ್ ಮಹಿಳೆಯರ ಲುಕ್‌ನಲ್ಲಿ ಖಡಕ್‌ ಫೋಸ್‌ ಕೊಟ್ಟ ಕಂಗನಾ

•   Fri, Dec 05 2025 05:50:31 PM



• ಮುಂಬೈ, ಡಿ. 05 (DaijiworldNews/AK): ಬಾಲಿವುಡ್‌ ನಟಿ ಹಾಗೂ ಬಿಜೆಪಿ ಸಂಸದೆ ಆಗಿರುವ ಕಂಗನಾ ರಾಣಾವತ್ ಹೊಸ ಫೋಟೋಶೂಟ್ ಮಾಡಿಸಿದ್ದಾರೆ. ಫೋಟೋ ಶೂಟ್‌ನಲ್ಲಿ ಹಿಮಾಚಲ ಪ್ರದೇಶದ ಲಡಾಕ್ ಭಾಗದ ಮಹಿಳೆಯರ ಸಾಂಪ್ರದಾಯಿಕ ಉಡುಗೆಯನ್ನ ಧರಿಸಿ ಕಂಗನಾ ಮಿಂಚಿದ್ದಾರೆ.

  ಇದು ಹೈವೆಸ್ಟ್ ಪ್ಲೀಟೆಡ್ ಸ್ಕರ್ಟ್ ಆಗಿದ್ದು ಅದಕ್ಕೆ ಹೋಲುವ ರವಿಕೆ ಹಾಗೂ ಹಿಮಾಚಲ ರೇಷ್ಮೆ ದುಪಟ್ಟಾ ಸುತ್ತಿಕೊಂಡಿದ್ದಾರೆ. ಮಂಡಿ ಕ್ಷೇತ್ರದ ಸಂಸದೆಯ ಸಾಂಪ್ರದಾಯಿಕ ಲುಕ್‌ಗೆ ನೆಟ್ಟಿಗರಂತೂ ಫಿದಾ ಆಗಿದ್ದಾರೆ. ಫೋಟೋವನ್ನ ಕಂಗನಾ ಇನ್‌ಸ್ಟಾ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

  ಈ ಫೋಟೋ ವಿಚಾರವಾಗಿ ಮಾಹಿತಿ ಹಂಚಿಕೊಂಡಿರುವ ಕಂಗನಾ, ʻನಿನ್ನೆ ರಾತ್ರಿ ಒಂದು ವಿವಾಹ ಕಾರ್ಯಕ್ರಮದಲ್ಲಿ ಭಾಗಿಯಾಗಲು ಈ ಲುಕ್‌ನಲ್ಲಿ ಭಾಗಿಯಾಗಿದ್ದರಂತೆ. ಭಾರತದಲ್ಲಿ ಮದುವೆ ಸೀಸನ್ ಬಂದರೆ ಸಾಕು ನಮ್ಮ ಸಂಸ್ಕೃತಿಯನ್ನ ಸಂಪ್ರದಾಯವನ್ನ ಪಾಲಿಸಲು ಅವಕಾಶ ಇರುತ್ತದೆ. ನಮ್ಮ ಭಾಗದಲ್ಲಿ ಚಳಿಗಾಲದ ಮದುವೆ ಕಾರ್ಯಕ್ರಮ ಹೀಗೆ ನಡೆಯುತ್ತದೆʼ ಎಂಬ ಮಾಹಿತಿ ಹಂಚಿಕೊಂಡಿದ್ದಾರೆ ಕಂಗನಾ.