ಬೆಂಗಳೂರು, ಜು 18(Daijiworld News/RD): ಸ್ಯಾಂಡಲ್ ವುಡ್ ನಲ್ಲಿ ಮಾತ್ರವಲ್ಲದೆ ಬಹುಭಾಷೆಗಳಲ್ಲಿ ನಟಿಸಿ ಚಿರಪರಚಿತರಾಗಿರುವ ಕಿಚ್ಚ ಸುದೀಪ್ ಇತ್ತೀಚಿಗಷ್ಟೆ ಬಾಲಿವುಡ್ ನಟ ಅಜಯ್ ದೇವಗನ್ ಅವರನ್ನ ಭೇಟಿ ಮಾಡಿದ್ದು, ಈ ಫೋಟೋ ಸ್ವತಃ ಸುದೀಪ್ ಟ್ವಿಟ್ಟರ್ ನಲ್ಲಿ ಪೋಸ್ಟ್ ಮಾಡಿ ಅಭಿಮಾನಿಗಳಿಗೆ ಸಂತಸ ನೀಡಿದ್ದಾರೆ.
![](https://daijiworld.ap-south-1.linodeobjects.com/iWeb/tvdaijiworld/img_tv247/rd-180719-kichhasudeepetwit1.jpg)
![](https://daijiworld.ap-south-1.linodeobjects.com/iWeb/tvdaijiworld/img_tv247/rd-180719-kichhasudeepetwit2.jpg)
ತೆಲುಗು, ತಮಿಳು, ಹಿಂದಿ ಭಾಷೆಯಲ್ಲಿ ತನ್ನದೇ ಆದ ವಿಭಿನ್ನ ನಟನಾ ಶೈಲಿಯಲ್ಲಿ ಅಭಿಮಾನಿ ಬಳಗವನ್ನು ಹೊಂದಿರುವ ಸುದೀಪ್, ಬಾಲಿವುಡ್ ಕಾಜೋಲ್ ಅವರ ಬಹುದೊಡ್ಡ ಫ್ಯಾನ್.
ಚಿತ್ರಕಥೆ, ನಿರ್ದೇಶನ, ಸಂಭಾಷಣೆ, ನಿರ್ಮಾಪಕರಾಗಿರುವ ಕಿಚ್ಚ ಸುದೀಪ್ ಸಿನಿಪ್ರಿಯರನ್ನು ವಿಭಿನ್ನ ರೀತಿಯ ಚಿತ್ರಕಥೆಯ ಮೂಲಕ ಮನರಂಜಿಸುತ್ತ ಬಂದಿದ್ದಾರೆ. ಸಾಮಾನ್ಯವಾಗಿ ಅಭಿಮಾನಿಗಳು ಸೆಲೆಬ್ರಿಟಿಗಳ ಯಾವುದೋ ಒಂದು ಗುಣಕ್ಕೆ ಅಭಿಮಾನಿಯಾಗ್ತಾರೆ ಹೇಗೋ, ಹಾಗೆ ಸುದೀಪ್ ಕೂಡ ಕಾಜೋಲ್ ಅವರ ಯಾವುದೋ ಒಂದು ಗುಣಕ್ಕೆ ಅಭಿಮಾನಿಯಾಗಿದ್ದಾರೆ.
ಈ ಬಗ್ಗೆ ಸುದೀಪ್ ಅವರ ಪತ್ನಿಯೇ ಟ್ವಿಟ್ಟರ್ ನಲ್ಲಿ ಬಹಿರಂಗಪಡಿಸಿದ್ದು, ಇತ್ತೀಚಿಗಷ್ಟೆ ಬಾಲಿವುಡ್ ಸ್ಟಾರ್ ನಟ ಅಜಯ್ ದೇವಗನ್ ಅವರನ್ನ ಭೇಟಿ ಮಾಡಿರುವ ಸುದೀಪ್, ಅವರ ಜೊತೆಗಿರುವ ಫೋಟೋವನ್ನು ಟ್ವಿಟ್ಟರಿನಲ್ಲಿ ಹಾಕಿ “ನಿಜವಾದ ಜೆಂಟೆಲ್ಮೆನ್. ನಿಮ್ಮನ್ನು ಭೇಟಿ ಮಾಡಿ ನನಗೆ ಖುಷಿಯಾಯಿತು. ಇದು ಅಮೂಲ್ಯವಾದ ಕ್ಷಣ” ಎಂದು ಬರೆದು ಟ್ವೀಟ್ ಮಾಡಿದ್ದಾರೆ.
ಈ ಟ್ವೀಟ್ಗೆ ರಿ ಟ್ವೀಟ್ ಮಾಡಿದ ಪ್ರಿಯಾ ಸುದೀಪ್, “ನೀವು ಅಜಯ್ ಅವರ ಪತ್ನಿಯನ್ನು ಭೇಟಿ ಮಾಡಿದ್ರೆ ಖುಷಿಪಡುತ್ತಿದ್ದೀರಿ. ನನಗೆ ಗೊತ್ತು ನೀವು ಕಾಜೋಲ್ ಅವರು ದೊಡ್ಡ ಅಭಿಮಾನಿ” ಎಂದು ಪ್ರತಿಕ್ರಿಯಿಸುವ ಮೂಲಕ ಸುದೀಪ್ ಅವರ ಕಾಲೆಳೆದಿದ್ದಾರೆ. ಪತ್ನಿಯ ಈ ರೀತಿಯ ಪ್ರತಿಕ್ರಿಯೆಗೆ ಸುದೀಪ್ ‘ಶ್’ ಎನ್ನುವ ಮೂಲಕ ಪ್ರತಿಕ್ರಿಯಿಸಿದ್ದಾರೆ.
ಈ ರೀತಿಯಾಗಿ ಕಿಚ್ಚನ ಕಾಲೆಳೆದು ರಹಸ್ಯ ವಿಷ್ಯವೊಂದನ್ನ ಟ್ವೀಟ್ರ್ ನಲ್ಲಿ ಪತ್ನಿ ಪ್ರೀಯಾ ಬಹಿರಂಗಪಡಿಸಿದ್ದಾರೆ.
ಅಜಯ್ ದೇವಗನ್ ಭೇಟಿ ಮಾಡಿದ ಸುದೀಪ್ ಸದ್ಯ ಕೋಟಿಗೊಬ್ಬ-3 ಸಿನಿಮಾ ಚಿತ್ರೀಕರಣದಲ್ಲಿದ್ದಾರೆ. ಈ ನಡುವೆ ಸುದೀಪ್, ಸಲ್ಮಾನ್ ಖಾನ್ ಜೊತೆ ದಬಾಂಗ್-3 ಚಿತ್ರದಲ್ಲಿ ನಟಿಸಿ ಬಂದಿದ್ದು, ಸಲ್ಲು ಜೊತೆ ವಿಶೇಷ ಪಾತ್ರವೊಂದರಲ್ಲಿ ನಟಿಸಿ, ಬಹಳ ವರ್ಷದ ನಂತರ ಮತ್ತೆ ಬಾಲಿವುಡ್ ಇಂಡಸ್ಟ್ರಿ ಪ್ರವೇಶಿಸಿರುತ್ತಾರೆ.