ಹೆಸರು ಬದಲಿಸಿಕೊಂಡ ಡಾ.ರಾಜ್‌ಕುಮಾರ್‌ ಮೊಮ್ಮಗ ಧೀರೇನ್

•   Tue, Jun 18 2024 06:44:06 PM



• ಬೆಂಗಳೂರು, ಜೂ. 18(DaijiworldNews/AK): ವರನಟ ರಾಜ್‌ಕುಮಾರ್ ಮೊಮ್ಮಗ ಧೀರೇನ್ ತಮ್ಮ ಹೆಸರನ್ನು ಬದಲಿಸಿಕೊಂಡಿದ್ದಾರೆ. ನನ್ನ ಹೆಸರಿಗೆ ತಾತನ ಹೆಸರು ಸೇರಿಸಿಕೊಂಡು ಈ ಲೆಗ್ಗಸಿಯನ್ನು ಗೌರವಿಸುತ್ತೇನೆ ಎಂದು ಧೀರೇನ್ ತಿಳಿಸಿದ್ದಾರೆ.

  ರಾಜ್‌ಕುಮಾರ್ ಪುತ್ರಿ ಪೂರ್ಣಿಮಾ ಮತ್ತು ರಾಮ್ ಕುಮಾರ್ ದಂಪತಿ ಪುತ್ರ ಧೀರೇನ್ ಹೆಸರು ಬದಲಾವಣೆ ಬಗ್ಗೆ ತಿಳಿಸಿದ್ದಾರೆ. ನನ್ನ ಹೆಸರಿನ ಮುಂದೆ ನನ್ನ ತಾತ ರಾಜ್‌ಕುಮಾರ್ ಅವರ ಹೆಸರನ್ನು ಸೇರಿಸಿಕೊಳ್ಳುವ ಮೂಲಕ ನಾನು ಡಾ. ರಾಜ್‌ಕುಮಾರ್ ಕುಟುಂಬದ ಲೆಗ್ಗಸಿಗೆ ಗೌರವ ಸೂಚಿಸುತ್ತಿದ್ದೇನೆ. ಡಾ.ರಾಜ್‌ಕುಮಾರ್ ಮೊಮ್ಮಗನಾಗಿರುವ ನಾನು ಅವರ ಹೆಸರನ್ನು ನನ್ನ ಹೆಸರಿನ ಮುಂದೆ ಸೇರಿಸಿಕೊಂಡು ಈ ಮೂಲಕ ಅವರ ಮನೆತನಕ್ಕೆ ಗೌರವ ಸೂಚಿಸುತ್ತಿದ್ದೇನೆ ಎಂದಿದ್ದಾರೆ.

  ಕಾನೂನಿನ ಪ್ರಕಾರ, ಹೆಸರನ್ನು ಬದಲಾಯಿಸಿಕೊಂಡು ಧೀರೇನ್ ರಾಮ್‌ಕುಮಾರ್ ಅವರು ಈಗ ಧೀರೇನ್ ಆರ್ ರಾಜ್‌ಕುಮಾ ಆಗಿದ್ದಾರೆ.ಇದೀಗ ಕೆಆರ್‌ಜಿ ಬ್ಯಾನರ್‌ನ ಹೊಸ ಸಿನಿಮಾದಲ್ಲಿ ಧೀರೇನ್ ಆರ್ ರಾಜ್‌ಕುಮಾರ್ ನಾಯಕನಾಗಿ ನಟಿಸುತ್ತಿದ್ದು, ಅದೃಷ್ಟ ಪರೀಕ್ಷೆಗಿಳಿದಿದ್ದಾರೆ.