ಡೋರೆಮಾನ್ ಕಾರ್ಟೂನ್ ಪಾತ್ರಕ್ಕೆ ಧ್ವನಿಯಾಗಿದ್ದ ನೊಬುಯೊ ಒಯಾಮಾ ನಿಧನ

•   Sat, Oct 12 2024 03:37:37 PM



• ಟೋಕಿಯೋ, ಅ.12(DaijiworldNews/AA): ಡೋರೆಮಾನ್ ಕಾರ್ಟೂನ್ ಎಂದರೆ ಮಕ್ಕಳಿಗೆ ಅಚ್ಚುಮೆಚ್ಚು. ಈ ಕಾರ್ಟೂನ್ ಪಾತ್ರವು ಭಾರತವಲ್ಲದೆ ಪ್ರಪಂಚದಾದ್ಯಂತ ಸಾಕಷ್ಟು ಜನಪ್ರಿಯತೆ ಗಳಿಸಿದೆ. ಇದೀಗ ಡೋರೆಮಾನ್ ಕಾರ್ಟೂನ್ ಶೋನಲ್ಲಿ ಡೋರೆಮಾನ್ ಪಾತ್ರಕ್ಕೆ ಧ್ವನಿಯಾಗಿದ್ದ ಜಪಾನಿ ಮಹಿಳೆ ನೊಬುಯೊ ಒಯಾಮಾ(90) ಅವರು ಕೊನೆಯುಸಿರೆಳೆದಿದ್ದಾರೆ.

  'ಡೋರೆಮಾನ್' ಪಾತ್ರಕ್ಕೆ ಡಬ್ ಮಾಡಿದ್ದ ನೊಬುಯೊ ಒಯಾಮಾ ಅವರು ವಯೋಸಹಜ ಸಮಸ್ಯೆಗಳಿಂದ ಆಸ್ಪತ್ರೆಗೆ ದಾಖಲಾಗಿದ್ದ ಅವರು ವಿಧಿವಶರಾಗಿದ್ದಾರೆ ಎಂದು ಅವರ ಕುಟುಂಬಸ್ಥರು ತಿಳಿಸಿದ್ದಾರೆ.

  ನೊಬುಯೊ 1979 ರಿಂದ 2005 ರವರೆಗೆ ಡೋರೆಮಾನ್ ಕಾರ್ಟೂನ್‌ಗೆ ಕಂಠದಾನ ಮಾಡಿದ್ದರು. ತನ್ನ ಧ್ವನಿಯಿಂದಲೇ ಡೋರೆಮಾನ್ ಎಂಬ ಕಾಲ್ಪನಿಕ ಪಾತ್ರಕ್ಕೆ ಜೀವ ತುಂಬಿದ್ದ ಅವರು, ಇದೀಗ ನಿಧನರಾಗಿದ್ದಾರೆ. ಪ್ರಪಂಚದಾದ್ಯಂತ ಜನಪ್ರಿಯತೆ ಗಳಿಸಿರುವ ಡೋರೆಮಾನ್ ಕಾರ್ಟೂನ್ ನ ಚಿತ್ರವನ್ನು ಮಕ್ಕಳ ಬ್ಯಾಗ್, ಲಂಚ್ ಬಾಕ್ಸ್ ಹಾಗೂ ಬಟ್ಟೆ, ಆಟಿಕೆಗಳ ಮೇಲೆ ಕಾಣಬಹುದಾಗಿದೆ.

  ಇನ್ನು ಭಾರತದಲ್ಲಿ ಹಿಂದಿ ಭಾಷೆಯಲ್ಲಿ ಡೋರೆಮಾನ್ ಕಾರ್ಟೂನ್ ಪ್ರಸಾರವಾಗುತ್ತಿದ್ದು, ಈ ಪಾತ್ರಕ್ಕೆ ಸೋನಾಲ್ ಕೌಶಲ್ ಕಂಠದಾನ ಮಾಡುತ್ತಿದ್ದಾರೆ.