ಪ್ರತಿಕೂಲ ಹವಾಮಾನದಿಂದ ಶ್ರೀಲಂಕಾದಲ್ಲಿ 15 ಮಂದಿ ಮೃತ್ಯು

•   Sat, Nov 30 2024 04:56:51 PM



• ಕೊಲಂಬೊ, ನ.30(DaijiworldNews/AA): ಪ್ರತಿಕೂಲ ಹವಾಮಾನದಿಂದ ಶ್ರೀಲಂಕಾದಲ್ಲಿ 15 ಮಂದಿ ಮೃತಪಟ್ಟಿದ್ದಾರೆ ಎಂದು ವಿಪತ್ತು ನಿರ್ವಹಣಾ ಕೇಂದ್ರ (ಡಿಎಂಸಿ) ಶನಿವಾರ ಮಾಹಿತಿ ನೀಡಿದೆ.

  ಶ್ರೀಲಂಕಾದಲ್ಲಿ ಪ್ರವಾಹ, ಬಿರುಗಾಳಿ ಹಾಗೂ ಭೂಕುಸಿತದಂತಹ ಅವಘಡಗಲ್ಲಿ 4,50,000ಕ್ಕೂ ಹೆಚ್ಚು ಮಂದಿ ತೊಂದರೆ ಅನುಭವಿಸುತ್ತಿದ್ದಾರೆ. ನವೆಂಬರ್ 21ರಿಂದ ಈವರೆಗೆ 15 ಮಂದಿ ಮೃತಪಟ್ಟಿದ್ದಾರೆ. ಪೂರ್ವ ಪ್ರಾಂತ್ಯದಲ್ಲಿ ಅತಿ ಹೆಚ್ಚು ಸಾವುಗಳು ವರದಿಯಾಗಿವೆ ಎಂದು ಡಿಎಂಸಿ ತಿಳಿಸಿದೆ.

  ಬಂಗಾಳ ಕೊಲ್ಲಿಯ ನೈರುತ್ಯ ಭಾಗದಲ್ಲಿ ತೀವ್ರ ವಾಯು ಭಾರ ಕುಸಿತದಿಂದ ಶ್ರಿಲಂಕಾದಲ್ಲಿ ಪ್ರತಿಕೂಲ ಹವಾಮಾನ ಪರಿಸ್ಥಿತಿ ಸೃಷ್ಟಿಯಾಗಿದೆ. ಬಂಗಾಳ ಕೊಲ್ಲಿಯಲ್ಲಿ ರೂಪುಗೊಂಡಿರುವ 'ಫೆಂಗಲ್' ಚಂಡಮಾರುತವು ಇಂದು ದಕ್ಷಿಣ ಭಾರತದ ತಮಿಳುನಾಡಿಗೆ ಅಪ್ಪಳಿಸುವ ಸಾಧ್ಯತೆಯಿದೆ. ಈ ಸಂದರ್ಭ ಗಂಟೆಗೆ 90 ಕಿ.ಮೀ. ವೇಗದಲ್ಲಿ ಗಾಳಿ ಬೀಸಬಹುದು ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.