ನಾಪತ್ತೆಯಾಗಿದ್ದ ವಿಮಾನ ಅಲಾಸ್ಕಾ ಸಮುದ್ರದ ಹಿಮಗಡ್ಡೆಯಲ್ಲಿ ಪತ್ತೆ; ಎಲ್ಲ ಪ್ರಯಾಣಿಕರು ಸಾವು

•   Sat, Feb 08 2025 06:04:32 PM



• ಅಲಾಸ್ಕಾ, ಫೆ.08 (DaijiworldNews/AA): ಅಲಾಸ್ಕಾದ ನೋಮ್ ಬಳಿ ಫೆ.6ರಂದು ನಾಪತ್ತೆಯಾಗಿದ್ದ ಪ್ರಯಾಣಿಕರ ವಿಮಾನವು ಪಶ್ಚಿಮ ಅಲಾಸ್ಕಾದಲ್ಲಿ ಪತನಗೊಂಡಿತ್ತು. ಬಳಿಕ ಫೆ.7ರಂದು ಅಲಾಸ್ಕಾ ಸಮುದ್ರದ ಹಿಮಗಡ್ಡೆಯಲ್ಲಿ ವಿಮಾನ ಪತ್ತೆಯಾಗಿದೆ. ವಿಮಾನದಲ್ಲಿ ತೆರಳುತ್ತಿದ್ದ ಎಲ್ಲ 10 ಮಂದಿ ಪ್ರಯಾಣಿಕರು ಮೃತಪಟ್ಟಿದ್ದಾರೆ ಎಂದು ತಿಳಿದುಬಂದಿದೆ.

  ರಕ್ಷಣಾ ಪಡೆಯ ಸಿಬ್ಬಂದಿಗಳು ಹೆಲಿಕಾಪ್ಟರ್ ಮೂಲಕ ಶೋಧ ಕಾರ್ಯವನ್ನು ನಡೆಸುತ್ತಿದ್ದಾಗ, ಅಲಾಸ್ಕಾ ಸಮುದ್ರದ ಹಿಮಗಡ್ಡೆಯಲ್ಲಿ ವಿಮಾನದ ಅವಶೇಷಗಳು ಕಂಡು ಬಂದವು. ಕೂಡಲೇ ಇಬ್ಬರು ಈಜುಗಾರರನ್ನು ಸಮುದ್ರಕ್ಕಿಳಿಸಲಾಯಿತು ಎಂದು ಅಮೆರಿಕ ಕರಾವಳಿ ಪಡೆಯ ವಕ್ತಾರ ಮೈಕ್ ಸಲೆರ್ನೊ ಮಾಹಿತಿ ನೀಡಿದ್ದಾರೆ.

  ಈ ನಷ್ಟವನ್ನು ಸ್ವೀಕರಿಸಲು ತುಂಬಾ ಕಷ್ಟವಾಗುತ್ತಿದೆ" ಎಂದು ಅಮೆರಿಕದ ಸೆನೆಟರ್ ಲೀಸಾ ಮುರ್ಕೋವ್ ಸ್ಕಿ ಬೇಸರ ವ್ಯಕ್ತಪಡಿಸಿದ್ದಾರೆ. ಇನ್ನು ಕಳೆದ 25 ವರ್ಷಗಳಲ್ಲಿ ಅಮೆರಿಕದಲ್ಲಿ ನಡೆದ ಅತ್ಯಂತ ಭೀಕರ ವಿಮಾನ ಅಪಘಾತ ಇದಾಗಿದೆ ಎನ್ನಲಾಗಿದೆ.