ವಿಚ್ಛೇದನ ನೀಡಿದ ಹೆಂಡತಿ - ರೈಲಿಗೆ ಬೆಂಕಿ ಹಚ್ಚಿದ ಗಂಡ!

•   Sat, Jun 28 2025 05:03:37 PM



• ಸಿಯೋಲ್‌, ಜೂ. 28 (DaijiworldNews/TA): ಹೆಂಡತಿ ವಿಚ್ಛೇದನ ನೀಡಿದ್ದಕ್ಕೆ ಕೋಪಗೊಂಡು ವಾನ್ ಎಂಬ ವ್ಯಕ್ತಿ ರೈಲಿಗೆ ಬೆಂಕಿ ಹಚ್ಚಿರುವ ಘಟನೆ ದಕ್ಷಿಣ ಕೊರಿಯಾದ ಸಿಯೋಲ್​ನಲ್ಲಿ ನಡೆದಿದೆ. ಚಲಿಸುತ್ತಿರುವ ಸುರಂಗಮಾರ್ಗ ರೈಲಿನೊಳಗೆ ಬೆಂಕಿ ಹಚ್ಚಿದ್ದಾನೆ ಎಂದು ಹೇಳಲಾಗಿದೆ. ಈ ಘಟನೆ ಮೇ 31 ರಂದು ಸಂಭವಿಸಿದ್ದು, ಘಟನೆಯಲ್ಲಿ ಅನೇಕ ಮಂದಿ ಗಾಯಗೊಂಡಿದ್ದಾರೆ.

  

  ಸಿಯೋಲ್ ದಕ್ಷಿಣ ಜಿಲ್ಲಾ ಪ್ರಾಸಿಕ್ಯೂಟರ್‌ಗಳ ಕಚೇರಿಯ ಪ್ರಕಾರ, ವಾನ್ ಕೊಲೆ ಯತ್ನ, ಚಲಿಸುವ ರೈಲಿನಲ್ಲಿ ಬೆಂಕಿ ಹಚ್ಚುವುದು ಮತ್ತು ರೈಲ್ವೆ ಸುರಕ್ಷತಾ ಕಾಯ್ದೆಯ ಉಲ್ಲಂಘನೆ ಸೇರಿದಂತೆ ಹಲವು ಆರೋಪಗಳನ್ನು ಎದುರಿಸುತ್ತಿದ್ದಾರೆ.

  ಸಿಯೋಲ್ ಸಬ್‌ವೇ ಲೈನ್ 5 ರಲ್ಲಿ, ಯೆಯೋಯಿನಾರು ನಿಲ್ದಾಣ ಮತ್ತು ಮಾಪೋ ನಿಲ್ದಾಣದ ನಡುವಿನ ವಿಭಾಗದಲ್ಲಿ ಬೆಳಿಗ್ಗೆ 8:42 ರ ಸುಮಾರಿಗೆ ರೈಲು ಹಾನ್ ಸಮುದ್ರದೊಳಗಿನ ಸುರಂಗದ ಮೂಲಕ ಹಾದುಹೋಗುತ್ತಿದ್ದಾಗ ಬೆಂಕಿ ಕಾಣಿಸಿಕೊಂಡಿತು ಎಂದು ಹೇಳಲಾಗಿದೆ. ಬೆಂಕಿ ಹಚ್ಚಿದ ಪರಿಣಾಮ 22 ಪ್ರಯಾಣಿಕರು ಆಸ್ಪತ್ರೆಗೆ ದಾಖಲಾಗಿದ್ದಾರೆ, ಇತರ 129 ಪ್ರಯಾಣಿಕರು ಸ್ಥಳದಲ್ಲೇ ಚಿಕಿತ್ಸೆ ಪಡೆದಿದ್ದಾರೆ. ಶಂಕಿತನನ್ನು ಸಹ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ತನ್ನ ವಿಚ್ಛೇದನ ಪ್ರಕರಣದ ಫಲಿತಾಂಶದ ಬಗ್ಗೆ ಹತಾಶೆಯಿಂದ ವಾನ್ ಈ ಕೃತ್ಯ ಎಸಗಿದ್ದಾನೆ ಎಂದು ತನಿಖಾಧಿಕಾರಿಗಳು ತಿಳಿಸಿದ್ದಾರೆ. ಜೂನ್ 9 ರಂದು ಪೊಲೀಸರು ಆತನನ್ನು ವಶಕ್ಕೆ ತೆಗೆದುಕೊಂಡು ಪ್ರಾಸಿಕ್ಯೂಷನ್‌ಗೆ ಹಸ್ತಾಂತರಿಸಿದರು. ಅಧಿಕಾರಿಗಳು ಘಟನೆಯ ಕುರಿತು ಪರಿಶೀಲನೆ ನಡೆಸುತ್ತಿದ್ದಾರೆ.

  서울지하철 5호선 방화범 CCTV
  사망자 없는게 기적이네요 pic.twitter.com/IQMowGZkWH

  — 브이몬 (@XXV_mon) June 25, 2025