ಕಾರಿನಲ್ಲಿ ಬಾಂಬ್‌ ಸ್ಫೋಟ - ರಷ್ಯಾದ ಹಿರಿಯ ಜನರಲ್ ಸಾವು

•   Mon, Dec 22 2025 03:07:47 PM



• ಮಾಸ್ಕೋ, ಡಿ. 22 (DaijiworldNews/TA): ದಕ್ಷಿಣ ಮಾಸ್ಕೋನಲ್ಲಿ ಕಾರಿನ ಕೆಳಗೆ ಇರಿಸಿದ್ದ ಬಾಂಬ್ ಸ್ಫೋಟಗೊಂಡು ರಷ್ಯಾದ ಹಿರಿಯ ಜನರಲ್‌ ಫನಿಲ್ ಸರ್ವರೋವ್ ಅವರು ಸಾವನ್ನಪ್ಪಿದ್ದಾರೆ. ತನಿಖಾಧಿಕಾರಿಗಳು ಈ ಘಟನೆ ಕುರಿತು ತನಿಖೆ ಕೈಗೊಂಡಿದ್ದು, ಮೇಲ್ನೋಟಕ್ಕೆ ಉಕ್ರೇನಿನ ವಿಶೇಷ ಕಾರ್ಯಪಡೆಗಳ ಕೈವಾಡ ಇದ್ದಿರಬಹುದೆಂದು ವರದಿಗಳು ಸೂಚಿಸುತ್ತಿವೆ.

  

  2022 ರ ಫೆಬ್ರವರಿಯಲ್ಲಿ ಉಕ್ರೇನ್‌ ಸೈನಿಕರನ್ನು ಬಿಡುಗಡೆ ಮಾಡಿದ ನಂತರ, ರಷ್ಯಾದ ಮೇಲಿನ ದಾಳಿ ನಿಯಮಿತವಾಗಿ ನಡೆಯುತ್ತಲೇ ಇದೆ. ರಷ್ಯಾದ ಅಧಿಕಾರಿಗಳು ಮತ್ತು ಗಣ್ಯ ವ್ಯಕ್ತಿಗಳನ್ನು ಗುರಿಯಾಗಿಸಿಕೊಂಡು ಉಕ್ರೇನ್‌ ಸೇನೆ ದಾಳಿಗಳನ್ನು ನಡೆಸುತ್ತಿರುವುದಾಗಿ ರಷ್ಯಾ ಸರ್ಕಾರವು ದೂರಿಕೊಂಡಿದೆ.

  ರಷ್ಯಾದ ಹಿರಿಯ ಅಧಿಕಾರಿಗಳ ಮೇಲೆ ಉಕ್ರೇನಿನಿಂದ ದಾಳಿ ಮಾಡುವ ಪ್ರಕರಣಗಳು ಹತಾಶೆಯ ಮಟ್ಟದಲ್ಲಿ ಹೆಚ್ಚುತ್ತಿರುವುದಾಗಿ ವರದಿಗಳು ತಿಳಿಸುತ್ತಿವೆ. 2023ರ ಏಪ್ರಿಲ್‌ನಲ್ಲಿ, ಸೇಂಟ್ ಪೀಟರ್ಸ್‌ಬರ್ಗ್‌ನಲ್ಲಿ ನಡೆದ ಪ್ರತಿಮೆಯ ಸ್ಫೋಟದಲ್ಲಿ ರಷ್ಯಾದ ಮಿಲಿಟರಿ ಬ್ಲಾಗರ್ ಮ್ಯಾಕ್ಸಿಮ್ ಫೋಮಿನ್ ಮೃತರಾಗಿದ್ದರು. 2022ರ ಆಗಸ್ಟ್‌ನಲ್ಲಿ, ರಷ್ಯಾದ ಖ್ಯಾತ ವಿಚಾರವಾದಿ ಅಲೆಕ್ಸಾಂಡರ್ ಡುಗಿನ್ ಅವರ ಮಗಳು ಡೇರಿಯಾ ಡುಗಿನಾ, ಕಾರು ಬಾಂಬ್ ದಾಳಿಯಲ್ಲಿ ಸಾವನ್ನಪ್ಪಿದ್ದರು.

  ರಷ್ಯಾದ ಸಂಶೋಧನಾ ಸಮಿತಿಯು, ಉಕ್ರೇನಿನ ಸೇನೆ ಅಥವಾ ಅದರ ವಿಶೇಷ ಕಾರ್ಯಪಡೆಗಳು ಈ ದಾಳಿಯನ್ನು ನಡೆಸಿರುವುದಾಗಿ ಪ್ರತಿಕ್ರಿಯಿಸಿದ್ದು, ಮುಂದಿನ ದಿನಗಳಲ್ಲಿ ತೀವ್ರವಾದ ತನಿಖೆ ನಡೆಯುವ ಸಾಧ್ಯತೆ ಇದೆ.