ಪೈಲಟ್‌ಗಳ ನಡುವೆ ಜಗಳ- ದುಬೈ-ಟೆಲ್ ಅವಿವ್ ವಿಮಾನ ಹೈಜಾಕ್ ಎಚ್ಚರಿಕೆ

•   Wed, Sep 30 2026 02:36:25 PM



• ದುಬೈ, , ಸೆ.30 (DaijiworldNews/AK): ದುಬೈನಿಂದ ಟೆಲ್ ಅವೀವ್‌ಗೆ ಸುಮಾರು 180 ಪ್ರಯಾಣಿಕರನ್ನು ಹೊತ್ತೊಯ್ಯುತ್ತಿದ್ದ ‘ಫ್ಲೈದುಬೈ’ ವಿಮಾನವೊಂದು ಹೈಜಾಕ್‌ ಭಯ ಹುಟ್ಟುಹಾಕಿ, ಸೌದಿ ಅರೇಬಿಯಾದಲ್ಲಿ ಸುರಕ್ಷಿತವಾಗಿ ಲ್ಯಾಂಡ್‌ ಆಗಿದೆ.

  ವಿಮಾನ ಹಾರಾಟದ ಸಂದರ್ಭದಲ್ಲಿ ಪೈಲಟ್‌ ಕೆಲಕಾಲ ‘7500’ ಎಮರ್ಜೆನ್ಸಿ ಕೋಡ್ ಒತ್ತಿದ್ದರು ಎನ್ನಲಾಗಿದೆ. ‘7500’ ಕೋಡ್ ಹೈಜಾಕ್‌ ಸೂಚಿಸುವ ಅಂತಾರಾಷ್ಟ್ರೀಯ ಎಚ್ಚರಿಕೆಯಾಗಿದೆ. ಬಳಿಕ ವಿಮಾನ ಸೌದಿ ಅರೇಬಿಯಾ ವಾಯುಪ್ರದೇಶದತ್ತ ಡೈವರ್ಟ್ ಆಯಿತು. ಅಂತಿಮವಾಗಿ ವಿಮಾನ ಸುರಕ್ಷಿತವಾಗಿ ಸೌದಿಯಲ್ಲಿ ಲ್ಯಾಂಡ್ ಆಗಿದೆ.

  ಪೈಲಟ್‌ಗಳ ನಡುವಿನ ಜಗಳದಿಂದಾಗಿ 7500 ಎರ್ಮಜೆನ್ಸಿ ಕೋಡ್ ಒತ್ತಿರುವ ಬಗ್ಗೆ ಮಾಹಿತಿ ಲಭ್ಯವಾಗಿದೆ.

  ವಿಮಾನವನ್ನು ಅದರ ನಿಗದಿತ ಮಾರ್ಗದಿಂದ ಬೇರೆಡೆಗೆ ತಿರುಗಿಸಿದ ನಂತರ, ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು ಭದ್ರತಾ ಅಧಿಕಾರಿಗಳೊಂದಿಗೆ ಸಮಾಲೋಚನೆ ನಡೆಸಿದ್ದರು. ಅಂತಿಮವಾಗಿ ವಿಮಾನ ಸೌದಿ ಅರೇಬಿಯಾದಲ್ಲಿ ಸುರಕ್ಷಿತವಾಗಿ ಲ್ಯಾಂಡ್‌ ಆಗಿದೆ.