ದುಬೈ: 1 ಮಿಲಿಯನ್ ಡಾಲರ್ ಗೆದ್ದ ಉಡುಪಿಯ ಸ್ಟೀಫನ್ ಮಾರ್ಟಿಸ್

•   Wed, Nov 20 2019 12:03:41 AM



• ದುಬೈ, ನ 20 (DaijiworldNews/SM): ಕರಾವಳಿ ಮೂಲದ ಮತ್ತೊಬ್ಬರು ದುಬೈಯ 1 ಮಿಲಿಯನ್ ಡಾಲರ್ ಗೆದ್ದುಕೊಂಡಿದ್ದಾರೆ. ದುಬೈ ಡ್ಯೂಟಿ ಫ್ರೀ ಅತ್ಯುತ್ತಮ ಸರ್ಪ್ರೈಸ್ ಡ್ರಾ ಮೂಲಕ ಈ ಬಹುಮಾನ ತನ್ನದಾಗಿಸಿಕೊಂಡಿದ್ದಾರೆ. 

  

  ಉಡುಪಿ ಮೂಲದ ಸ್ಟೀಫನ್ ಮಾರ್ಟಿಸ್(48) ದುಬೈಯ 1 ಮಿಲಿಯನ್ ವಿಜೇತರಾಗಿದ್ದಾರೆ. ಇವರು ಆನ್ ಲೈನ್ ಮೂಲಕ ಟಿಕೆಟ್ ಖರೀದಿಸಿದ್ದರು. 0666 ನಂಬರ್ ನ ಇವರ ಟಿಕೆಟ್ ಗೆ 1 ಮಿಲಿಯನ್ ಬಹುಮಾನ ದೊರೆತಿದೆ.

  ಉಡುಪಿಯ ಶಂಕರಪುರದ ಪಾಂಗ್ಳ ನಿವಾಸಿಯಾಗಿರುವ ಇವರು ಕಳೆದ 25 ವರ್ಷಗಳಿಂದ ಯುಎಇಯಲ್ಲಿ ನೆಲೆಸಿದ್ದಾರೆ. ಮಾರ್ಟಿಸ್ ಅವರು ಅಬುದಾಬಿಯಲ್ಲಿ ತನ್ನದೇ ಸಾಪ್ಟ್ ವೇರ್ ಕಂಪೆನಿ ನಡೆಸುತ್ತಿದ್ದರು. ಪ್ರತಿನಿತ್ಯ ಆನ್ ಲೈನ್ ನಲ್ಲಿ 666 ನಂಬರ್ ನ ಟಿಕೆಟ್ಗಳನ್ನು ಅವರು ಖರೀದಿಸುತ್ತಿದ್ದರು ಎಂದು ತಿಳಿದುಬಂದಿದೆ.

  ಇನ್ನು ತಾನು ಗೆದ್ದಿರುವ ಬಹುಮಾನದ ಪೈಕಿ ಹತ್ತುಪಟ್ಟನ್ನು ದಾನವಾಗಿ ನೀಡುತ್ತೇನೆ. ಉಳಿದ ಹಣವನ್ನು ತನ್ನ ಮಕ್ಕಳ ವಿದ್ಯಾಭ್ಯಾಸಕ್ಕಾಗಿ ಇಡುತ್ತೇನೆ ಎಂದು ಅವರು ಪ್ರತಿಕ್ರಿಯೆ ನೀಡಿದ್ದಾರೆ.