ಯುಎಸ್‌ಎಯಲ್ಲಿ 69 ವಾಹನಗಳ ನಡುವೆ ಭೀಕರ ಸರಣಿ ಅಪಘಾತ

•   Tue, Dec 24 2019 04:08:20 PM



• ಯುಎಸ್‌ಎ, ಡಿ 24 (Daijiworld News/MB) : 69 ವಾಹನಗಳ ನಡುವೆ ಭೀಕರ ಸರಣಿ ಅಪಘಾತ ನಡೆದ ಪರಿಣಾಮ 51 ಜನರಿಗೆ ಗಾಯವಾದ ಘಟನೆ ವರ್ಜಿನಿಯಾದ ಹೆದ್ದಾರಿಯಲ್ಲಿ ಭಾನುವಾರ ನಡೆದಿದೆ.

  

  ಈ ಅಪಘಾತದಿಂದಾಗಿ ಕಾರಿನ ಗ್ಲಾಸ್‌ಗಳು ಪುಡಿಯಾಗಿದ್ದು ಅಪಘಾತ ನಡೆದ ಸ್ಥಳ ಲೋಹದ ರಾಶಿಯಿಂದ ತುಂಬಿದ ಸ್ಥಳದಂತಾಗಿದೆ. ಹಾಗೆಯೇ ಒಂದು ವಾಹನದ ಮೇಲೆ ಟ್ರಕ್ ಬಿದ್ದಿದೆ.

  ಈ ಕುರಿತು ಅಪಘಾತಕ್ಕೊಳಗಾದ ಕಾರಿನ ಚಾಲಕ "ನಾನು ವಾಹನ ಚಲಾಯಿಸುತ್ತಿರುವಾಗ ಮಂಜು ಅಡ್ಡ ಬಂದ ಕಾರಣದಿಂದ ದಾರಿ ಕಾಣಲಿಲ್ಲ. ಈ ಹಿನ್ನಲೆಯಲ್ಲಿ ನಾನು ನಿಲುಗಡೆ ಸಿಗ್ನಲ್‌ ಅನ್ನು ಹಾಕಿದೆ. ಆದರೆ ಆಗಾಗಲೇ ನನ್ನ ಕಣ್ಣೆದುರೆ ಎಲ್ಲಾ ವಾಹನಗಳು ಒಂದಕ್ಕೊಂದು ಡಿಕ್ಕಿ ಹೊಡೆದಿದೆ ಎಂದು ಹೇಳಿದ್ದಾರೆ.

  ಈ ಅಪಘಾತ ನಡೆಯಲು ಕಾರಣವೇನೆಂದು ಈವರೆಗೂ ತಿಳಿದಿಲ್ಲ. ಆದರೆ ಈ ಘಟನೆಗೆ ಮಂಜಿನಿಂದ ಕೂಡಿದ ವಾತಾವರಣವೇ ಕಾರಣವಾಗಿರಬಹುದು ಎಂದು ಪೊಲೀಸರಿಗೆ ಶಂಕೆ ಇದೆ.

  ಈ ಘಟನೆಯಲ್ಲಿ 51 ಜನರು ಗಾಯವಾಗಿದ್ದು ಈ ಪೈಕಿ ಇನ್ನರು ಗಂಭೀರ ಸ್ಥಿತಿಯಲ್ಲಿದ್ದಾರೆ. ಹಾಗೆಯೇ 11 ಜನರು ಗಂಭೀರ ಗಾಯಗೊಂಡಿದ್ದಾರೆ. ಆದರೆ ಯಾವುದೇ ಸಾವು ಸಂಭವಿಸಿಲ್ಲ ಎಂದು ಅಗ್ನಿಶಾಮಕ ಮುಖ್ಯಸ್ಥ ಸ್ಟೀಫನ್ ಕೊಪ್ಕಿನ್ಸ್ಕಿ ತಿಳಿಸಿದ್ದಾರೆ.

  ಈ ಅಪಘಾತದ ಕುರಿತು ತನಿಖೆ ನಡೆಯುತ್ತಿದೆ.