ಕೊರೊನಾ ವೈರಸ್ ಚಾಲೆಂಜ್ -ಶೌಚಾಲಯ ನೆಕ್ಕಿದ ಮಾಡೆಲ್ ಗೆ ನೆಟ್ಟಿಗರ ತರಾಟೆ

•   Tue, Mar 17 2020 07:16:37 PM



• ಲಂಡನ್, ಮಾ 17 ( Daijiworld News/MSP): ಸಾಮಾಜಿಕ ಜಾಲತಾಣದ ಬಳಕೆ ಹೆಚ್ಚಾಗುತ್ತಿದ್ದಂತೆಯೇ ಅನೇಕ ಚಾಲೆಂಜ್ ಗಳು ಬಂದಿವೆ. ಸಾಮಾನ್ಯರಿಂದ ಹಿಡಿದು ಸೆಲೆಬ್ರಿಟಿಗಳು ಕೂಡಾ ಚಾಲೆಂಜ್ ಸ್ವೀಕರಿಸುತ್ತಾರೆ. ಹೀಗೆ ಚಿತ್ರ - ವಿಚಿತ್ರ ಚಾಲೆಂಜ್ ಸ್ವೀಕರಿಸಲು ಹೋಗಿ ಕೆಲವರು ತಮ್ಮ ಪ್ರಾಣವನ್ನೇ ಪಣಕ್ಕಿಡುವುದು ಅಲ್ಲಲ್ಲಿ ವರದಿಯಾಗುತ್ತಿರುತ್ತದೆ.

  

  ಇದೀಗ ಇಂಥದ್ದೇ ಚಾಲೆಂಜ್ ಸ್ವೀಕರಿಸಿದ ಮಾಡೆಲ್ ಒಬ್ಬಳು ನೆಟ್ಟಿಗರ ಕಡುಕೋಪಕ್ಕೆ ತುತ್ತಾಗಿದ್ದಾಳೆ. ಕೊರೊನಾ ವೈರಸ್ ಚಾಲೆಂಜ್ ಹೆಸರಿನಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಅನುಯಾಯಿಗಳನ್ನು ಹೆಚ್ಚಿಸಿಕೊಳ್ಳಲೆಂದು ವಿಮಾನದ ಶೌಚಾಲಯವನ್ನು ನಾಲಿಗೆಯಿಂದ ನೆಕ್ಕಿ ವಿಡಿಯೋ ಮಾಡಿ ಸೋಶಿಯಲ್ ಮೀಡಿಯದಲ್ಲಿ ಹರಿಬಿಟ್ಟಿದ್ದಾಳೆ.

  Please RT this so people can know how to properly be sanitary on the airplane 🥰😅 pic.twitter.com/x7GX9b4Lxc

  — Ava Louise (ig @avalouiise) (@realavalouiise) March 14, 2020

  ವೃತ್ತಿಯಲ್ಲಿ ಮಾಡೆಲ್ ಆಗಿರುವ 21 ವರ್ಷದ ಅವಾ ಲೌಸಿ ಎಂಬಾಕೆ ಟಿಕ್ ಟಾಕ್ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಕ್ಕೆ ಅಪ್ಲೋಡ್ ಮಾಡಿದ್ದಾಳೆ. ತಾನು ಶೌಚಾಲಯ ನಕ್ಕಿರುವುದಲ್ಲದೆ, ಅದರ ಕೆಳಗೆ " ದಯವಿಟ್ಟು ಇದನ್ನು ತಿಳಿದುಕೊಳ್ಳಿ. ವಿಮಾನದಲ್ಲಿ ನೈರ್ಮಲ್ಯವನ್ನು ಕಾಪಾಡಿಕೊಳ್ಳಲು ಹೀಗೆ ಮಾಡಿ" ಎಂದು ಉಲ್ಲೇಖಿಸಿದ್ದಾಳೆ. ಈ ಅಪ್ಲೋಡ್ ಆಗುತ್ತಲೇ ಅತ್ತ ಕಡೆಯಿಂದ ಟಿಕ್ ಟಾಕ್ ಅಪ್ ನಲ್ಲಿ ಆಕೆಯ ಹಿಂಬಾಲಕರು ಗರಂ ಆಗಿದ್ದು ಹಿಗ್ಗಾಮುಗ್ಗಾ ತರಾಟೆಗೆ ತೆಗೆದುಕೊಂಡಿದ್ದಾರೆ.

  ನೆಟ್ಟಿಗರು, ಪ್ರಚಾರದ ಗೀಳಿಗಾಗಿ ಈಕೆ ಮಾಡಿದ ಕೆಲಸ ಕಂಡು ಗರಂ ಆಗಿರುವುದನ್ನು ಕಂಡು ಎಚ್ಚೆತ್ತುಕೊಂಡು ಮಾಡೆಲ್ ಬಳಿಕ ಪೋಸ್ಟ್ ಅನ್ನು ಡಿಲೀಟ್ ಮಾಡಿದ್ದಾಳೆ.