ಕೊರೊನಾ ರುದ್ರನರ್ತನ: ಇಟಲಿಯಲ್ಲಿ 4,032, ಜಗತ್ತಿನಾದ್ಯಂತ 11, 398 ಜನರ ಬಲಿ

•   Sat, Mar 21 2020 08:42:16 AM



• ರೋಮ್, ಮಾ 21 ( Daijiworld News/MSP):ಜಗತ್ತಿನಾದ್ಯಂತ ಕೊರೊನಾ ತನ್ನ ರೌದ್ರನರ್ತನವನ್ನು ಮುಂದುವರೆಸಿದ್ದುಇಲ್ಲಿಯವರೆಗೆ 11, 398 ಜನರ ಬಲಿ ಪಡೆದಿದೆ. ಸೋಂಕು ಪೀಡಿತರ ಸಂಖ್ಯೆಯೂ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದ್ದು 2,75,871 ಪ್ರಕರಣಗಳು ದಾಖಲಾಗಿವೆ. ಇಟಲಿಯು ಕೊರೊನಾ ಅಟ್ಟಹಾಸಕ್ಕೆ ಅಕ್ಷರಶಃ ನಲುಗಿ ಹೋಗಿದ್ದು ಶುಕ್ರವಾರವೊಂದೆ ದಿನ 627 ಜನರು ಮೃತಪಟ್ಟಿದ್ದಾರೆ.

  
  

  ಇಟಲಿ ಸರ್ಕಾರಕ್ಕೆ ಎಷ್ಟು ಮಂದಿ ಸೋಂಕಿನಿಂದ ಬಳಲುತ್ತಿದ್ದಾರೆಂಬುದರ ಎನ್ನುವರ ಬಗ್ಗೆ ಸರಿಯಾದ ಮಾಹಿತಿ ಇಲ್ಲ. ವೈರಸ್ ಇರುವ ಹಲವಾರು ಜನರು ರಸ್ತೆಗಳಲ್ಲಿ ಸ್ವತಂತ್ರವಾಗಿ ಓಡಾಡಿ ಇತರರಿಗೂ ಸೋಂಕು ಬಾಧಿಸುವಂತೆ ಮಾಡುತ್ತಿದ್ದಾರೆಂದು ಸ್ಥಳೀಯ ಆಸ್ಪತ್ರೆಯೊಂದು ಆರೋಪಿಸಿದೆ

  ಆಶಾದಾಯಕ ಸಂಗತಿ ಎಂದರೆ ಜಗತ್ತಿನಾದ್ಯಂತ ಸೋಂಕು ಪೀಡಿತರ ಸಂಖ್ಯೆಯಲ್ಲಿ 91,912 ಜನರು ಗುಣಮುಖರಾಗಿದ್ದಾರೆ. ಇನ್ನು ಭಾರತದಲ್ಲಿ ಶುಕ್ರವಾರ ಒಂದೇ ದಿನದಲ್ಲಿ ಸೋಂಕು ಪೀಡಿತರ ಸಂಖ್ಯೆಯಲ್ಲಿ ಭಾರೀ ಏರಿಕೆ ಕಂಡಿದೆ.