ಇರಾನ್ ಡಿಸ್ಟ್ರಾಯರ್‌ನಿಂದ ತನ್ನದೇ ಯುದ್ಧನೌಕೆ ಮೇಲೆ ಮಿಸೈಲ್ ದಾಳಿ, 19 ಯೋಧರು ಮೃತ್ಯು..!

•   Mon, May 11 2020 04:07:00 PM



• ಟೆಹ್ರಾನ್, ಮೇ 11 (Daijiworld News/MB) : ಇರಾನ್ ಯುದ್ಧ ನೌಕೆ ತನ್ನದೇ ಯುದ್ಧ ನೌಕೆಯ ಮೇಲೆ ಮಿಸೈಲ್‌ ದಾಳಿ ನಡೆಸಿದ ಪರಿಣಾಮ 19 ಮಂದಿ ಮೃತಪಟ್ಟು ಹಲವು ಮಂದಿಗೆ ಗಾಯವಾಗಿದೆ ಎಂದು ಇರಾನ್ ಆರ್ಮಿ ತಿಳಿಸಿದೆ.

  

  ಗಲ್ಫ್ ಆಫ್ ಓಮಾನ್‌ನಲ್ಲಿ ಭಾನುವಾರ ಸಂಜೆ ಸೇನಾ ಕವಾಯತು ನಡೆಯುತ್ತಿದ್ದ ಸಂದರ್ಭದಲ್ಲಿ ಇರಾನ್ ಜಾಮ್ರಾನ್ ಡಿಸ್ಟ್ರಾಯರ್ ಕೋನಾರ್ಕ್ ಯುದ್ಧ ನೌಕೆ ಮೇಲೆ ಆಕಸ್ಮಿಕವಾಗಿ ಮಿಸೈಲ್ ದಾಳಿ ನಡೆಸಿದೆ ಎಂದು ಇರಾನ್‌ ಮಾಧ್ಯಮಗಳು ವರದಿ ಮಾಡಿದ್ದು ಈ ಘಟನೆಯಿಂದಾಗಿ ಕೋನಾರ್ಕ್ ಯುದ್ಧ ನೌಕೆಯ ಕಮಾಂಡರ್ ಸೇರಿದಂತೆ 40 ಮಂದಿ ನೌಕಾ ಸಿಬ್ಬಂದಿಗಳು ಮೃತಪಟ್ಟಿದ್ದಾರೆ ಎಂದು ಕೆಲವು ಮಾಧ್ಯಮಗಳು ವರದಿ ಮಾಡಿತ್ತು.

  ಬಳಿಕ ಈ ಘಟನೆಯ ಅಧಿಕೃತ ಮಾಹಿತಿ ಬಿಡುಗಡೆ ಮಾಡಿದ ಇರಾನ್ ಸೇನೆ ಇದು ಆಕಸ್ಮಿಕವಾಗಿ ನಡೆದಿದ್ದು ಘಟನೆಯಲ್ಲಿ 19 ಮಂದಿ ಮೃತಪಟ್ಟಿದ್ದಾರೆ ಎಂದು ಸ್ಪಷ್ಟನೆ ನೀಡಿದ್ದಾರೆ ಎಂದು ವರದಿಯಾಗಿದೆ.

  ಜನವರಿಯಲ್ಲಿ ಉಕ್ರೈನ್ ಪ್ರಯಾಣಿಕ ವಿಮಾನವನ್ನು ತಪ್ಪು ತಿಳಿದು ಇರಾನ್ ಹೊಡೆದುರುಳಿಸಿದ್ದು ಇದರಿಂದಾಗಿ 176 ಮಂದಿ ಪ್ರಯಾಣಿಕರು ಸಾವನ್ನಪ್ಪಿದ್ದರು. ಈ ಘಟನೆಯ ಬಳಿಕ ಇರಾನ್‌ ಆಕಸ್ಮಿಕವಾಗಿ ನಡೆದಿದೆ ಎಂದು ಕ್ಷಮೆಯಾಚಿಸಿತ್ತು.