ಕೊರೊನಾ ವೈರಸ್‌‌ - ವಿಶ್ವದಾದ್ಯಂತ 4 ಲಕ್ಷ ಸಮೀಪಿಸಿದ ಸಾವಿನ ಸಂಖ್ಯೆ

•   Sun, Jun 07 2020 10:20:37 AM



• ವಾಷಿಂಗ್ಟನ್, ಜೂ 07 (DaijiworldNews/PY) : ವಿಶ್ವದಾದ್ಯಂತ ಕೊರೊನಾ ಸೋಂಕಿನಿಂದಾಗಿ ಮೃತಪಟ್ಟವರ ಸಂಖ್ಯೆ ಭಾನುವಾರ ಮುಂಜಾನೆ ವೇಳೆಗೆ ಸಮೀಪಿಸಿದೆ.

  

  ಜಾನ್ಸ್ ಹಾಪ್ಕಿನ್ಸ್ ಕೊರೊನಾ ವೈರಸ್ ರಿಸೋರ್ಸ್‌ ಸೆಂಟರ್ ಮಾಹಿತಿ ಪ್ರಕಾರ, ಜಗತ್ತಿನಾದ್ಯಂತ ಇಲ್ಲಿಯವರೆಗೆ ಸುಮಾರು 68.89 ಲಕ್ಷಕ್ಕೂ ಅಧಿಕ ಮಂದಿಗೆ ಸೋಂಕು ತಗುಲಿದ್ದು, ಈ ಪೈಕಿ 399,642 ಮಂದಿ ಮೃತಪಟ್ಟಿದ್ದಾರೆ. ಸುಮಾರು 31 ಲಕ್ಷ ಮಂದಿ ಸೋಂಕಿನಿಂದ ಚೇತರಿಸಿಕೊಂಡಿದ್ದಾರೆ.

  ಅಮೆರಿಕದಲ್ಲಿ ಸೋಂಕಿತರ ಸಂಖ್ಯೆ 19.20 ಲಕ್ಷ ದಾಟಿದ್ದು, ಇಲ್ಲಿಯವರೆಗೆ 109,802 ಮಂದಿ ಸಾವನ್ನಪ್ಪಿದ್ದಾರೆ. ಬ್ರೆಜಲ್‌‌ನಲ್ಲಿ ಇಲ್ಲಿಯವರೆಗೆ 6.72 ಲಕ್ಷಕ್ಕೂ ಅಧಿಕ ಮಂದಿಗೆ ಸೋಂಕು ತಗುಲಿದ್ದು, 35,930 ಮಂದಿ ಸಾವನ್ನಪ್ಪಿದ್ದಾರೆ. ರಷ್ಯಾದಲ್ಲಿ 4.58 ಲಕ್ಷ ಮಂದಿಗೆ ಸೋಂಕು ತಗುಲಿದ್ದು, ಈ ಪೈಕಿ 5,717 ಜನ ಮೃತಪಟ್ಟಿದ್ದಾರೆ.

  ಕಳೆದ 24 ಗಂಟೆಗಳ ಅವಧಿಯಲ್ಲು ಮೆಕ್ಸಿಕೋದಲ್ಲಿ 3600 ಹೊಸ ಕೊರೊನಾ ಪ್ರಕರಣಗಳು ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 113,619ಕ್ಕೆ ಏರಿದೆ. ಇಲ್ಲಿಯವರೆಗೆ ಸೋಂಕಿಗೆ 13,511 ಮಂದಿ ಸಾವಿಗೀಡಾಗಿದ್ದಾರೆ. ಇನ್ನೂ 1,189 ಮಂದಿಯು ಯಾವ ಕಾರಣದಿಂದ ಸಾವನ್ನಪ್ಪಿದ್ದಾರೆ ಎನ್ನುವುದು ಇನ್ನಷ್ಟೇ ತಿಳಿದು ಬರಬೇಕಿದೆ ಎಂದು ಅಲ್ಲಿನ ಆರೋಗ್ಯ ಸಚಿವಾಲಯ ತಿಳಿಸಿದೆ. ಮೆಕ್ಸಿಕೋದಲ್ಲಿ ಸದ್ಯ 19,278 ಸಕ್ರಿಯ ಪ್ರಕರಣಗಳಿವೆ.

  ಪಾಕಿಸ್ತಾನದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 93,983 ತಲುಪಿದ್ದು, ಇಲ್ಲಿಯವರೆಗೆ 1,935 ಮಂದಿ ಮೃತಪಟ್ಟಿದ್ದಾರೆ.

  ಬ್ರೆಜಿಲ್‌‌ನಲ್ಲಿ ಇಲ್ಲಿಯವರೆಗೆ 35,930, ಸ್ಪೇನ್‌ನಲ್ಲಿ 27,135, ಜರ್ಮನಿಯಲ್ಲಿ 8,673, ಬ್ರಿಟನ್‌ನಲ್ಲಿ 40,548, ಫ್ರಾನ್ಸ್‌ನಲ್ಲಿ 29,145 ಹಾಗೂ ಇಟಲಿಯಲ್ಲಿ 33,846 ಮಂದಿ ಕೊರೊನಾ ಸೋಂಕಿಗೆ ಮೃತಪಟ್ಟಿದ್ದಾರೆ