ಅಮೆರಿಕಾ, ರಷ್ಯಾಕ್ಕಿಲ್ಲದ ಸಾಮರ್ಥ್ಯ ಭಾರತದ ಪರ್ವತ ಸೇನಾ ದಳಕ್ಕಿದೆ ಎಂದ ಚೀನಾ

•   Wed, Jun 10 2020 01:30:24 PM



• ಚೀನಾ,ಜೂ 10 (Daijiworld News/MSP): ಲಡಾಖ್ ನಲ್ಲಿ ಸೇನೆ ಜಮಾಯಿಸಿ ಭಾರತದ ವಿರುದ್ಧ ಕಾಲು ಕೆರೆಯುತ್ತಿರುವ ಚೀನಾ ಮತ್ತೊಂದೆಡೆ ಭಾರತವೂ ಅಮೆರಿಕಾ, ರಷ್ಯಾ ಅಥವಾ ಇನ್ಯಾವ ಯುರೋಪಿಯನ್ ರಾಷ್ಟ್ರಗಳಿಗಿಲ್ಲದ ಅತೀ ದೊಡ್ಡ ಹಾಗೂ ಅನುಭವಿ ಪರ್ವತ ಸೇನಾ ದಳವನ್ನು ಹೊಂದಿದೆ ಎಂದು ಹೊಗಳಿದೆ

  

  ಎಂತಹ ಪ್ರತಿಕೂಲ ಸಮಯದಲ್ಲೂ ಭಾರತದ ಪರ್ವತ ಸೇನಾ ಪಡೆ ಯಾವುದೇ ತೆರನಾದ ದುರ್ಗಮ ಬೆಟ್ಟ ಗುಡ್ಡಗಳಲ್ಲಿ ಶತ್ರುಪಡೆಯ ವಿರುದ್ಧ ಹೋರಾಡಬಲ್ಲ ಸಾಮರ್ಥ್ಯವನ್ನು ಪಡೆದಿದೆ ಎಂದು ಚೀನಾದ ಮಿಲಿಟರಿ ತಜ್ಞರೊಬ್ಬರು ಶ್ಲಾಘಿಸಿದ್ದಾರೆ.

  ಇಂತಹ ಸಾಮರ್ಥ್ಯವೂ ಭಾರತದ ಪರ್ವತ ಸೇನಾ ಪಡೆಗೆ ಬಿಟ್ಟರೆ ಅಮೆರಿಕಾ, ರಷ್ಯಾ ಅಥವಾ ಇನ್ಯಾವ ಯುರೋಪಿಯನ್ ದೇಶಗಳಿಗಿಲ್ಲ ಎಂದು ಚೀನಾದ ಪೀಪಲ್ಸ್ ಲಿಬರೇಷನ್ ಆರ್ಮಿ(ಪಿಎಲ್ಎ) ಯುದ್ಧೋಪಕರಣಗಳನ್ನು ತಯಾರಿಸಿಕೊಡುವ ಬಹುದೊಡ್ಡ ಸಂಸ್ಥೆಯ ತಜ್ಞನಾಗಿರುವ ಹುಯಾಂಗ್ ಗ್ಯೂಝಿ ಎಂದು ಹೇಳಿದ್ದಾರೆ.