'ನಾವು ಮಲಗಿದಾಗ ವೈರಸ್ ಕೂಡಾ ಮಲಗುತ್ತೆ' - ಪಾಕ್‌ನ ಧರ್ಮ ಬೋಧಕ.!

•   Sun, Jun 14 2020 01:38:59 PM



• ಇಸ್ಲಾಮಾಬಾದ್‌, ಜೂ.14 (DaijiworldNews/MB) : ನಾವು ಮಲಗಿದಾಗ ಕೊರೊನಾ ವೈರಸ್‌ ಕೂಡಾ ಮಲಗುತ್ತೆ, ನಾವು ಸತ್ತಾಗ ಅದು ಸಾಯುತ್ತದೆ ಎಂದು ಪಾಕಿಸ್ತಾನದ ಧರ್ಮಬೋಧಕರೊಬ್ಬರು ಹೇಳಿದ್ದು ಇದೀಗ ವಿಡಿಯೋ ವೈರಲ್‌ ಆಗಿದೆ. 

  

  ಧರ್ಮ ಬೋಧಕ ಮಾತನಾಡಿರುವ ವಿಡಿಯೋವನ್ನು ಪತ್ರಕರ್ತೆ ನೈಲಾ ಇನಾಯತ್‌ ಟ್ವೀಟ್‌ ಮಾಡಿದ್ದು, ಆ ವಿಡಿಯೋದಲ್ಲಿ ಧರ್ಮ ಬೋಧಕ, ನಮಗೆ ಅನಾರೋಗ್ಯವಿದ್ದಾಗ ಮಲಗಿ ವಿಶ್ರಾಂತಿ ಪಡೆಯಲು ವೈದ್ಯರು ಹೇಳುತ್ತಾರೆ. ನಾವು ಮಲಗಿದಾಗ ವೈರಸ್‌ ಕೂಡಾ ಮಲಗುತ್ತದೆ. ಇದರಿಂದಾಗಿ ನಮಗೆ ಹೆಚ್ಚು ತೊಂದರೆ ಉಂಟಾಗುವುದಿಲ್ಲ. ನಾವು ಸತ್ತಾಗ ವೈರಸ್‌ ಕೂಡಾ ಸಾಯುತ್ತದೆ ಎಂದು ಹೇಳಿದ್ದಾರೆ. 

  ಇದೀಗ ಈ ವಿಡಿಯೋ ವೈರಲ್‌ ಆಗಿದ್ದು ಸಾಮಾಜಿಕ ಜಾಲತಾಣದಲ್ಲಿ ಧರ್ಮ ಬೋಧಕರನ್ನು ವ್ಯಂಗ್ಯ ಮಾಡಿದ್ದಾರೆ. 

  ಪಾಕಿಸ್ತಾನದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 1,35,702 ಕ್ಕೆ ಏರಿಕೆಯಾಗಿದ್ದು, 2,632 ಜನರು ಸಾವನ್ನಪ್ಪಿದ್ದಾರೆ.

  When we sleep, virus sleeps. When we die, virus dies. Simple. pic.twitter.com/F3cDrEzOZV

  — Naila Inayat नायला इनायत (@nailainayat) June 13, 2020