ಕೊರೊನಾ ವೈರಸ್‌ಗೆ ಕುಂಗ್‌‌ ಫ್ಲು ಎಂದು ವ್ಯಂಗ್ಯ ಮಾಡಿದ ಡೊನಾಲ್ಡ್‌ ಟ್ರಂಪ್‌‌‌

•   Sun, Jun 21 2020 12:46:03 PM



• ವಾಷಿಂಗ್ಟನ್‌, ಜೂ 21 (DaijiworldNews/PY) : ಕೊರೊನಾ ವೈರಸ್‌‌‌ ಮೊದಲು ವುಹಾನ್‌‌ನಲ್ಲಿ ಕಾಣಿಸಿಕೊಂಡಿದ್ದ ಕಾರಣ ಇದನ್ನು ವುಹಾನ್‌‌ ವೈರಸ್‌ ಎಂದು ಕರೆದಿದ್ದ ಡೊನಾಲ್ಡ್‌ ಟ್ರಂಪ್‌‌ ಅವರು ಇದೀಗ ಕೊರೊನಾ ವೈರಸ್‌ ಗೆ ಕುಂಗ್‌‌ ಫ್ಲು ಎಂದು ಕರೆದು ವ್ಯಂಗ್ಯ ಮಾಡಿದ್ದಾರೆ.

  

  ಟುಲ್ಸಾದಲ್ಲಿ ಮೊದಲ ಚುನಾವಣೆ ರ್‍ಯಾಲಿ ಉದ್ದೇಶಿಸಿ ಮಾತನಾಡಿದ ಅವರು, ಕೊರೊನಾ ವೈರಸ್‌ ಅನ್ನು ವಿವಿಧ ಹೆಸರುಗಳಿಂದ ಕರೆಯಬಹುದು. ಆದರೆ, ನಾನು ಕೊರೊನಾಗೆ ಕುಂಗ್‌ ಫ್ಲು ಎಂದು ಕರೆಯುತ್ತೇನೆ. ಇತಿಹಾಸದಲ್ಲಿ ಈ ವೈರಸ್‌‌ಗೆ ಇರುವಷ್ಟು ಹೆಸರು ಬೇರೆ ಯಾವ ಕಾಯಿಲೆಗೂ ಇಲ್ಲ ಎಂದು ಟೀಕೆ ಮಾಡಿದ್ದಾರೆ.

  ಇದನ್ನು ಹಲವರು ವೈರಸ್‌ ಎಂದು ಕರೆದರೆ, ಇನ್ನು ಹಲವರು ಇದನ್ನು ಫ್ಲು ಎಂದು ಕರೆಯುತ್ತಾರೆ. ಈ ಹೆಸರಿನಿಂದ ಕರೆಯುವ ಕಾರಣ ಜಾಸ್ತಿ ವ್ಯತ್ಯಾಸವಾಗುವುದಿಲ್ಲ. ಚೀನಾವು ಜಗತ್ತಿನಾದ್ಯಂತ ಕೊರೊನಾ ವ್ಯಾಪಿಸಲು ಕಾರಣವಾಗಿದೆ.

  ಈ ಹಿಂದೆಯೂ ಡೊನಾಲ್ಡ್‌ ಟ್ರಂಪ್‌ ಅವರು, ಚೀನಾವು ಕೊರೊನಾ ವೈರಸ್‌‌‌ ಕುರಿತ ವಿಚಾರಗಳನ್ನು ಮುಚ್ಚಿಟ್ಟಿದೆ ಎಂದು ದೂರಿದ್ದು, ವುಹಾನ್‌ ವೈರಸ್‌ ಎಂದು ಕರೆದಿತ್ತು.