ಭಾರತೀಯ ಪೈಲೆಟ್ ಗಳ ವಿರುದ್ದ ಎಫ್ ಐ ಆರ್ ದಾಖಲಿಸಲು ಪಾಕ್ ನಿರ್ಧಾರ

•   Fri, Mar 08 2019 07:07:45 PM



• ಇಸ್ಲಾಮಾಬಾದ್, ಮಾ 08(SM)​: ಇತ್ತೀಚೆಗಷ್ಟೇ ಪಾಕಿಸ್ತಾನದ ಬಾಲಕೋಟ್​ನಲ್ಲಿ ಉಗ್ರರ ಅಡಗುತಾಣಗಳ ಮೇಲೆ ಭಾರತೀಯರು ದಾಳಿ ನಡೆಸಿದ್ದರು. ಇದರ ವಿರುದ್ಧ ಪಾಕ್ ಸಂಚು ರೂಪಿಸುತ್ತಿದೆ ಎಂಬ ಮಾಹಿತಿ ಹರಿದಾಡುತ್ತಿತ್ತು. ಇದೀಗ ಅದು ಸತ್ಯವಾಗಿದೆ. ದಾಳಿ ನಡೆಸಿದ ಭಾರತೀಯ ವಾಯುಪಡೆ ಪೈಲಟ್​ಗಳ ಮೇಲೆ ಪಾಕಿಸ್ತಾನ ಎಫ್​ಐಆರ್​ ದಾಖಲಿಸಿದೆ.

  

  ಭಾರತ ನಡೆಸಿದ ಏರ್​ಸ್ಟ್ರೈಕ್​ನಿಂದಾಗಿ ಬಾಲಕೋಟ್​ನಲ್ಲಿ 19 ಪೈನ್​ ಮರಗಳು ಧರೆಗುರುಳಿವೆ ಎಂದು ಎಫ್​ಐಆರ್​ನಲ್ಲಿ ಪಾಕಿಸ್ತಾನ ಅರಣ್ಯ ಇಲಾಖೆ ದೂರಿದೆ. ಅಲ್ಲದೆ ಒಂದು ಹೆಜ್ಜೆ ಮುಂದೆ ಇಟ್ಟುರುವಂತಹ ಪಾಕಿಸ್ತಾನ, ತನ್ನ ಪ್ರದೇಶದ ಪ್ರವಾಸಿ ತಾಣಗಳಿಗೆ ಭಾರತ ಧಕ್ಕೆ ತಂದಿದೆ ಎಂದು ವಿಶ್ವಸಂಸ್ಥೆಗೆ ದೂರು ಕೊಡಲೂ ನಿರ್ಧರಿಸಿದೆ ಎನ್ನಲಾಗಿದೆ.

  ಕಳೆದ ಫೆ. 26ರಂದು ಬಾಲಕೋಟ್​ನಲ್ಲಿದ್ದ ಉಗ್ರರ ಅಡಗುತಾಣಗಳ ಮೇಲೆ ಭಾರತೀಯ ವಾಯುಪಡೆ ದಾಳಿ ನಡೆಸಿತ್ತು. ಇದರಲ್ಲಿ ಹಲವು ಉಗ್ರರು ಹತ್ಯೆಯಾಗಿದ್ದರು.