ಏರ್ ಶೋ ವೇಳೆ 2 ವಿಮಾನಗಳ ನಡುವೆ ಢಿಕ್ಕಿ: ಪೈಲಟ್ ಸಾವು

•   Mon, Jun 03 2024 05:11:30 PM



• ಪೋರ್ಚುಗಲ್, ಜೂ. 03(DaijiworldNews/AA): ಏರ್ ಶೋ ವೇಳೆ 2 ವಿಮಾನಗಳ ನಡುವೆ ಢಿಕ್ಕಿ ಸಂಭವಿಸಿ ಪೈಲಟ್ ಸಾವನ್ನಪ್ಪಿದ ಘಟನೆ ದಕ್ಷಿಣ ಪೋರ್ಚುಗಲ್‌ನಲ್ಲಿ ನಡೆದಿದೆ.

  ದಕ್ಷಿಣ ಪೋರ್ಚುಗಲ್‌ನಲ್ಲಿ ನಡೆದ ಏರ್ ಶೋ ಪ್ರದರ್ಶನದ ವೇಳೆ ಈ ಅವಘಡ ಸಂಭವಿಸಿದ್ದು, ಓರ್ವ ಪೈಲಟ್ ಸಾವನ್ನಪ್ಪಿ ಮತ್ತೊಬ್ಬ ಗಾಯಗೊಂಡಿದ್ದಾರೆ ಎಂದು ವಾಯುಪಡೆ ಮಾಹಿತಿ ನೀಡಿದೆ.

  ಆರು ವಿಮಾನಗಳನ್ನು ಒಳಗೊಂಡ ಏರ್ ಶೋ ವೇಳೆ 2 ವಿಮಾನಗಳು ಅಪಘಾತಕ್ಕೊಳಪಟ್ಟಿದೆ. ಪೋರ್ಚುಗಲ್ ನಲ್ಲಿ ನಡೆದ ಬೇಜಾ ಏರ್ ಶೋ ವೇಳೆ ಅಪಘಾತ ಉಂಟಾಗಿದೆ. ಜೂನ್ 2ರಂದು ಎರಡು ವಿಮಾನಗಳು ಆಕಾಶದಲ್ಲಿ ಸಾಹಸ ಪ್ರದರ್ಶಿಸುತ್ತಿದ್ದವು. ಈ ವೇಳೆ ಎರಡು ವಿಮಾನಗಳ ನಡುವೆ ಢಿಕ್ಕಿ ಸಂಭವಿಸಿದ್ದು, ಬಳಿಕ ವಿಮಾನ ಪತನಗೊಂಡಿತು. ಅಪಘಾತದಲ್ಲಿ ಪೈಲಟ್ ಸಾವನ್ನಪ್ಪಿದ್ದು, ಘಟನೆಯ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

  ಎರಡು ವಿಮಾನಗಳ ಢಿಕ್ಕಿಯ ಬಳಿಕ ಒಂದು ವಿಮಾನವು ನೆಲಕ್ಕೆ ಬೀಳುವುದನ್ನು ವೀಡಿಯೊದಲ್ಲಿ ಕಾಣಬಹುದಾಗಿದೆ. ಢಿಕ್ಕಿಯ ಬಳಿಕ ವಿಮಾನವು ಹಾನಿಗೊಳಗಾಗುವುದನ್ನು ಕೂಡ ಕಾಣಬಹುದಾಗಿದೆ.

  Beja Air Show accident 😨😞 DEP pic.twitter.com/4WrRfoLCeO

  — Don Expensive 🇪🇦 ✞ 🐸 (@kar0____) June 2, 2024