ಮೂಡುಬಿದಿರೆ ಪುರಸಭೆ: ಒಂದು ಮತ ಬಿಜೆಪಿಗೆ ಖುಲಾಯಿಸಿತು ಲಕ್

•   Fri, May 31 2019 11:51:48 AM



• ಮೂಡುಬಿದಿರೆ,ಮೇ 31(Daijiworld News/MSP): ಮೂಡುಬಿದಿರೆ ಪುರಸಭೆಯಲ್ಲಿ ಮೊದಲ ಬಾರಿಗೆ ಕಮಲ ಅರಳಿದೆ. ಕಳೆದ 30 ವರ್ಷಗಳಿಂದ ಪುರಸಭೆಯ ಅಧಿಕಾರದಲ್ಲಿ ಇದ್ದ ಕಾಂಗ್ರೆಸ್ ಈ ಬಾರಿ ಅಧಿಕಾರ ಕಳೆದುಕೊಂಡಿದ್ದು, ಪುರಸಭೆ ಒಟ್ಟು 23 ಸ್ಥಾನಗಳಲ್ಲಿ 12 ವಾರ್ಡ್ ಗಳಲ್ಲಿ ಬಿಜೆಪಿ ಗೆಲುವು ಸಾಧಿಸಿದೆ ಉಳಿದ 11 ಸ್ಥಾನಗಳಲ್ಲಿ ಕಾಂಗ್ರೆಸ್ ಪಡೆದುಕೊಂಡಿದೆ.

  

  ಸ್ಪಷ್ಟ ಬಹುಮತ ಪಡೆದು ಅಧಿಕಾರ ಹಿಡಿಯುವಲ್ಲಿ ಬಿಜೆಪಿ ಜಯಶಾಲಿಯಾಗಿದ್ದು, ಮೂಡುಬಿದಿರೆಯ ಪಾಲಿಗೆ ಬಿಜೆಪಿ ಜಯ ಐತಿಹಾಸಿಕ ಜಯವಾಗಿದೆ. ವಿಶೇಷ ಎಂದ್ರೆ ಒಂದು ಮತಗಳ ಅಂತರದಲ್ಲಿ ಕಾಂಗ್ರೆಸ್‍ ಈ ಬಾರಿ ಮೂಡುಬಿದಿರೆಯಲ್ಲಿ ಸೋಲು ಕಂಡಿದೆ. ವಾರ್ಡ್ ಸಂಖ್ಯೆ 11ರಲ್ಲಿ ಬಿಜೆಪಿಯ ನವೀನ್ ಶೆಟ್ಟಿ 189 ಮತಗಳನ್ನು ಪಡೆದು ಗೆಲುವು ಸಾಧಿಸಿದ್ರೆ ಕಾಂಗ್ರೆಸ್‍ನ ದಿಲೀಪ್ ಶೆಟ್ಟಿಗೆ 188 ಮತಗಳು ಬಂದಿದ್ದು ಒಂದು ಮತಗಳ ಅಂತರದಲ್ಲಿ ಕಾಂಗ್ರೆಸ್ ಸೋತಿದೆ.