ಆಜಾನ್ ಗಾಗಿ ಭಾಷಣದ ಮಧ್ಯೆ ಮೌನಕ್ಕೆ ಶರಣಾದ ಮೋದಿ

•   Thu, Nov 30 2017 03:37:22 PM



• ಗುಜರಾತ್, ನ 30: ಚುನಾವಣಾ ಪ್ರಚಾರ ಸಭೆಯಲ್ಲಿ ಮೋದಿ ಭಾಷಣ ಎಂದರೆ ಕೇಳಬೇಕೆ ಹೇಳಿ.. ಉತ್ತಮ ವಾಗ್ಮಿಯಾದ ಮೋದಿ ತನ್ನ ನಿರರ್ಗಳ ಮಾತಿನಿಂದ ಸಭಿಕರನ್ನು ಮೌನಕ್ಕೆ ಶರಣಾಗುವಂತೆ ಮಾಡುತ್ತಾರೆ. ಆದರೆ ಗುಜರಾತಿನ ನವ್ಸಾರಿಯಲ್ಲಿ ಚುನಾವಣಾ ಪ್ರಚಾರ ಸಭೆಯಲ್ಲಿ ಮೋದಿಯೇ ಮೌನಕ್ಕೆ ಶರಣಾದ ಘಟನೆ ನಡೆದಿದೆ.ಪ್ರಧಾನಿ ನರೇಂದ್ರ ಮೋದಿ ಆಜಾನ್ (ಮುಸ್ಲಿಮರ ಪ್ರಾರ್ಥನೆ) ಕೇಳುತ್ತಿದ್ದಂತೆಯೇ ಮಾತನ್ನು ಅರ್ಧಕ್ಕೇ ನಿಲ್ಲಿಸಿ ಆಜಾನ್ ಮುಗಿಯುವವರೆಗೂ ಕಾಯುವ ಮೂಲಕ ಮುಸ್ಲಿಂ ಬಾಂಧವರ ಮೆಚ್ಚುಗೆ ಗಳಿಸಿದ್ದಾರೆ. ಗುಜರಾತಿನಲ್ಲಿ ಡಿಸೆಂಬರ್ 9 ಮತ್ತು 14 ರಂದು ನಡೆಯಲಿರುವ ವಿಧಾನಸಭಾ ಚುನಾವಣೆಯ ಪ್ರಚಾರಕ್ಕಾಗಿ ಒಂದರ ಹಿಂದೆ ಒಂದರಂತೆ ಸಾರ್ವಜನಿಕ ಸಭೆಗಳಲ್ಲಿ ನರೇಂದ್ರ ಮೋದಿ ಕಾಣಿಸಿಕೊಳ್ಳುತ್ತಿದ್ದಾರೆ.