ಮಂಗಳೂರು: ಪೊಲೀಸ್ ಬಸ್ ಹಾಗೂ ಲಾರಿ ಡಿಕ್ಕಿ : ಪೊಲೀಸ್ ಚಾಲಕ ಗಂಭೀರ, ಹಲವರಿಗೆ ಗಾಯ

•   Fri, Dec 01 2017 10:26:35 AM



• 
  ಮಂಗಳೂರು, ಡಿ 1: ಲಾರಿ ಮತ್ತು ಪೊಲೀಸ್ ಬಸ್ ಮುಖಾಮುಖಿ ಡಿಕ್ಕಿ ಹೊಡೆದು ಪೊಲೀಸ್ ಬಸ್ ಚಾಲಕ ಗಂಭೀರ ಗಾಯಗೊಂಡ ಘಟನೆ ನಗರದ ಪಂಪ್ ವೆಲ್ ನ ಇಂಡಿಯಾನ ಆಸ್ಪತ್ರೆ ಮುಂಭಾಗ ಡಿ 1 ರ ಶುಕ್ರವಾರ ಮುಂಜಾನೆ ನಡೆದಿದೆ. ಬಂದೋಬಸ್ತ್ ಗಾಗಿ ಮಂಗಳೂರಿಗೆ ಬರುತ್ತಿದ್ದ ಕೆ ಎಸ್ ಆರ್ ಪಿ ಪೊಲೀಸ್ ಬಸ್ ಹಾಗೂ ಸರಕು ತುಂಬಿಕೊಂಡು ಕಾಸರಗೋಡಿಗೆ ತೆರಳುತ್ತಿದ್ದ ಲಾರಿ ನಡುವೆ ಅಪಘಾತ ಸಂಭವಿಸಿದೆ. ಇನ್ನು ಘಟನೆಯಲ್ಲಿ ಹಲವರು ಗಾಯಗೊಂಡಿದ್ದಾರೆ ಎನ್ನಲಾಗಿದೆ.ಗಾಯಗೊಂಡವರನ್ನ ಸ್ಥಳೀಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.