ಮಂಗಳೂರು: ದ್ವಿಚಕ್ರ ವಾಹನ ಅಪಘಾತ- ಓರ್ವ ಮೃತ್ಯು, ಸವಾರ ಗಂಭೀರ ಗಾಯ

•   Fri, Nov 01 2024 08:45:37 PM



• ಮಂಗಳೂರು, ನ.01(DaijiworldNews/AK): ನೇತ್ರಾವತಿ ಸೇತುವೆಯ ಮಹಾಕಾಳಿ ಪಡ್ಪು ಬಳಿ ದ್ವಿಚಕ್ರ ವಾಹನ ಅಪಘಾತಕ್ಕೀಡಾಗಿ ಓರ್ವ ಮೃತಪಟ್ಟು, ಮತ್ತೊಬ್ಬ ಸವಾರ ಗಾಯಗೊಂಡಿರುವ ಘಟನೆ ನ.1ರ ಶುಕ್ರವಾರ ಸಂಜೆ ನಡೆದಿದೆ.

  ಘಟನೆಯಲ್ಲಿ ಮೊಹಮ್ಮದ್ ಶಾಕಿರ್ ಎಂಬುವರು ಮೋಟಾರ್ ಸೈಕಲ್ (ಕೆಎ 19 ಎಚ್ಎಸ್ 1113) ಚಲಾಯಿಸುತ್ತಿದ್ದರು, ಸಲ್ಮಾನ್ ಫರೀಶ್ ಅವರು ಸಹ ಸವಾರರು ಆಗಿದ್ದರು.

  ತೊಕ್ಕೊಟ್ಟು ಕಡೆಯಿಂದ ಮಂಗಳೂರು ಕಡೆಗೆ ತೆರಳುತ್ತಿದ್ದ ವೇಳೆ ಸವಾರರು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಲಾಯಿಸುತ್ತಿದ್ದರು ಎನ್ನಲಾಗುತ್ತಿದೆ. ಮೋಟಾರ್ ಸೈಕಲ್ ಸ್ಕಿಡ್ ಆಗಿ ಸೇತುವೆ ಮೇಲೆ ಅಳವಡಿಸಿದ್ದ ಕಬ್ಬಿಣದ ಶೀಟ್ ಗೆ ಡಿಕ್ಕಿ ಹೊಡೆದ ಪರಿಣಾಮ ಸವಾರರಿಬ್ಬರೂ ರಸ್ತೆಗೆ ಬಿದ್ದಿದ್ದಾರೆ.

  ಸಲ್ಮಾನ್ ಫರೀಶ್ ಅವರಿಗೆ ಗಂಭೀರ ಗಾಯಗಳಾಗಿದ್ದು, ನಂತರ ಅವರು ಸಾವನ್ನಪ್ಪಿದರು, ಮೊಹಮ್ಮದ್ ಶಾಕಿರ್ ಗಾಯಗೊಂಡಿದ್ದು, ಪ್ರಸ್ತುತ ಇಂಡಿಯಾನಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.