ಮಂಗಳೂರು : 'ನ.16, 17ರಂದು ಕಟೀಲು ಕನಕ ಸಂಭ್ರಮ ಕಾರ್ಯಕ್ರಮ' - ಸೀತಾರಾಮ್ ಕುಮಾರ್ ಕಟೀಲ್

•   Sat, Nov 09 2024 10:41:26 AM



• ಮಂಗಳೂರು, ನ.09(DaijiworldNews/TA):ಯಕ್ಷರಂಗದಲ್ಲಿನ ತಮ್ಮ 50ನೇ ವರ್ಷದ ಪಯಣದ ಕಟೀಲು ಕನಕ ಸಂಭ್ರಮ ಕಾರ್ಯಕ್ರಮ ನ.16 ಮತ್ತು 17ರಂದು ಪಾವಂಜೆಯ ನಾಗವೃಜ ಕ್ಷೇತ್ರ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ದೇವಸ್ಥಾನದಲ್ಲಿ ಹಮ್ಮಿಕೊಳ್ಳಲಾಗಿದೆ ಎಂದು ಹೆಸರಾಂತ ತೆಂಕು ಬಡಗು ಯಕ್ಷಗಾನ ಕಲಾವಿದ ಸೀತಾರಾಮ್ ಕುಮಾರ್ ಕಟೀಲ್ ತಿಳಿಸಿದರು.

  

  ಮಂಗಳೂರು ಪತ್ರಿಕಾಭವನದಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕಳೆದ 50 ವರ್ಷಗಳಿಂದ ಯಕ್ಷಗಾನ ಕಲಾ ಸೇವೆಯನ್ನು ಮಾಡಿಕೊಂಡು ಬಂದಿದ್ದು, ಹಿರಿಯರಾದ ದಿ. ಡಾ.ನಾರಾಯಣ ಶೆಟ್ಟಿ, ಯಕ್ಷಗಾನ ಖ್ಯಾತ ಅರ್ಥಧಾರಿ ದಿ.ಸಿದ್ದಕಟ್ಟೆ ಚೆನ್ನಪ್ಪ ಶೆಟ್ಟಿ ಅವರ ಸಂಸ್ಮರಣಾ ವೇದಿಕೆಯೊಂದಿಗೆ ಈ ಕಾರ್ಯಕ್ರಮ ನಡೆಯಲಿದೆ ಎಂದರು. ಬೆಳಗ್ಗೆ ೧೦ ಗಂಟೆಗೆ ಕಾರ್ಯಕ್ರಮವನ್ನು ಕಸಾಪ ಮಾಜಿ ಅಧ್ಯಕ್ಷ ಹರಿಕೃಷ್ಣ ಪುನರೂರು ಅವರು ಉದ್ಘಾಟಿಸಲಿದ್ದಾರೆ ಎಂದು ಅವರು ಹೇಳಿದರು.