ಬೆಳ್ತಂಗಡಿ: ಕ್ಯಾಂಟೀನ್ ನಲ್ಲಿ ಅಕ್ರಮವಾಗಿ ದನ ಮಾಂಸ ಪತ್ತೆ - ಇಬ್ಬರ ವಶ

•   Wed, Jun 05 2019 09:20:48 AM



• ಬೆಳ್ತಂಗಡಿ, ಜೂ 05 (Daijiworld News/MSP): ಮಿತ್ತಬಾಗಿಲಿನ ಕೊಲ್ಲಿ ಸಮೀಪ ಅಕ್ರಮವಾಗಿ ದನದ ಮಾಂಸ ಮಾಡುತ್ತಿದ್ದ ಇಬ್ಬರು ಆರೋಪಿಗಳನ್ನು ಮಂಗಳವಾರ ಬಂಧಿಸಲಾಗಿದೆ.

  

  ಕೊಲ್ಲಿ ಸ್ಥಳೀಯ ನಿವಾಸಿ ಅಬ್ದುಲ್ ಹಕೀಂ (42) ಹಾಗೂ ಹಮೀದ್ ಬಂಧಿತರು. ಮಿತ್ತಬಾಗಿಲು ಗ್ರಾಮದ ಕೊಲ್ಲಿ ಕಾಜೂರು ಮಸೀದಿಯ ಹಳೇ ಕ್ಯಾಂಟೀನ್‌ನಲ್ಲಿ ಕರುವಿನ ಮಾಂಸ ಮಾಡಲಾಗುತ್ತಿರುವ ಬಗ್ಗೆ ಖಚಿತ ಮಾಹಿತಿ ಮೇರೆಗೆ ಮಂಗಳವಾರ ಸಂಜೆ ಪೊಲೀಸರು ದಾಳಿ ನಡೆಸಿದ್ದರು. ಈ ವೇಳೆ 20 ಕೆ.ಜಿ. ಕರುವಿನ ಮಾಂಸ ಪತ್ತೆಯಾಗಿದೆ. ಆರೋಪಿಯನ್ನು ಬಂಧಿಸಿ ವಶಕ್ಕೆ ಪಡೆಯಲಾಗಿದ್ದು, ಬೆಳ್ತಂಗಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.