ಪುತ್ತೂರು: ಅಪ್ರಾಪ್ತೆ ಕಿಡ್ನಾಪ್ ಪ್ರಕರಣ - ಆರೋಪಿ ಅಖ್ತರ್‌ ಹುಸೈನ್‌ ಬಂಧನ

•   Wed, Jun 05 2019 10:42:55 AM



• ಪುತ್ತೂರು, ಜೂ 05 (Daijiworld News/MSP): ಕೆಯ್ಯೂರು ಗ್ರಾಮದ ಕಟ್ಟತ್ತಾರು ನಿವಾಸಿ ಅಪ್ರಾಪ್ತ ವಯಸ್ಕ‌ ಕಾಲೇಜು ವಿದ್ಯಾರ್ಥಿನಿಯನ್ನು ಅಪಹರಿಸಿದ ಪ್ರಕರಣದ ಆರೋಪಿ ಆಸ್ಸಾಂ ಮೂಲದ ಅಖ್ತರ್‌ ಹುಸೈನ್‌ ನನ್ನು ಪುತ್ತೂರು ಗ್ರಾಮಾಂತರ ಠಾಣೆಯ ಪೊಲೀಸರು ಕೇರಳದ ನೆಬ್ಬಣಿಗೆ ಗ್ರಾಮದಲ್ಲಿ ಬಂಧಿಸಿದ್ದಾರೆ.

  

  ಪ್ರಕರಣದ ವಿವರ
  ದ್ವಿತೀಯ ಪಿಯು ಪರೀಕ್ಷೆಯ ಹಿನ್ನಲೆಯಲ್ಲಿ ಸಹಪಾಠಿಯ ಮನೆಗೆ ಓದಲೆಂದು ಮಾ.8 ರಂದು ಮಧ್ಯಾಹ್ನ ಮನೆಯಿಂದ ತೆರಳಿದ್ದ ಕಟ್ಟಿತ್ತಾರು ನಿಡ್ಕಾಣ ನಿವಾಸಿ ವಿದ್ಯಾರ್ಥಿನಿ ಬಳಿಕ ನಾಪತ್ತೆಯಾಗಿದಳು.

  ವಿದ್ಯಾರ್ಥಿನಿಯ ತಂದೆ ಜತೆ ಮೇಸ್ತ್ರಿ ಕೆಲಸದಲ್ಲಿ ಸಹಾಯಕನಾಗಿ ಕಾರ್ಯ ನಿರ್ವಹಿಸುತ್ತಿದ್ದ. ಆಸ್ಸಾಂ ಮೂಲದ ಅಖ್ತರ್‌ ಹುಸೈನ್‌ ಕೂಡ ನಾಪತ್ತೆಯಾಗಿದ್ದ ಹಿನ್ನೆಲೆಯಲ್ಲಿ ಯುವತಿಯ ತಂದೆ ಅಖ್ತರ್‌ ಹುಸೈನ್‌ ಪ್ರೀತಿಯ ನಾಟಕವಾಡಿ ಅಪಹರಿಸಿರುವ ಕುರಿತು ಪೊಲೀಸರಿಗೆ ದೂರು ನೀಡಿದ್ದರು.

  ದೂರು ದಾಖಲಿಸಿಕೊಂಡಿದ್ದ ನಡೆಸಿದ ಸಂಪ್ಯ ಪೊಲೀಸರು ಎರಡು ವಾರಗಳ ಬಳಿಕ ಯುವತಿಯನ್ನು ಆಸ್ಸಾಂನಲ್ಲಿ ಪತ್ತೆ ಹಚ್ಚಿದ್ದರು.ಆದರೆ. ಯುವಕ ತಪ್ಪಿಸಿಕೊಂಡು ನಾಪತ್ತೆಯಾಗಿದ್ದನು. ಸಂಪ್ಯ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಆರೋಪಿಯ ವಿರುದ್ಧ ಪೋಕ್ಸೊ ಕಾಯಿದೆಯಲ್ಲಿ ಪ್ರಕರಣ ದಾಖಲಾಗಿತ್ತು

  ಮುಂದುದರೆದ ತನಿಖೆಯ ಭಾಗವಾಗಿ ಜೂ. 3ರಂದು ಆರೋಪಿ ಆಖ್ಜರ್‌ನನ್ನು ಕಾರ್ಯಾಚರಣೆ ನಡೆಸ ಕೇರಳದ ಮುಕ್ಕೀರಿಯ ಸಮೀಪದ ನೆಟ್ಟಣಿಗೆಯಲ್ಲಿ ಸಂಪ್ಯ ಠಾಣಾ ಎಸ್‌ಐ ಸಕ್ತಿವೇಲು ನೇತೃತ್ವದ ತಂಡ ಬಂಧಿಸಿದೆ. ಆರೋಪಿಗೆ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ.