ಮಂಗಳೂರು : ಮಹಿಳೆಗೆ ನಿಂದನೆ - ಪ್ರಕರಣ ದಾಖಲು

•   Fri, Dec 06 2024 09:40:36 PM



• ಮಂಗಳೂರು,ಡಿ.06 (DaijiworldNews/TA): ವ್ಯಕ್ತಿಯೊಬ್ಬ ಮಹಿಳೆಯ ಮನೆಗೆ ಬಂದು ಅವಾಚ್ಯ ಶಬ್ದಗಳಿಂದ ನಿಂದಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಂಕನಾಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

  

  ಶಿವಮೊಗ್ಗ ಮೂಲದ ಸಯ್ಯದ್ ನಹೀಮ್ (೨೫) ಎಂಬಾತ ಕುಲಶೇಖರದ ಲಕ್ಷ್ಮಿ ಎಂಬವರ ಮನೆಗೆ ಬಂದು ಲಕ್ಷ್ಮಿ ಹಾಗೂ ಅವರ ಸಹೋದರಿಯ ಮಗಳಿಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾನೆ ಎಂದು ಆರೋಪಿಸಲಾಗಿದೆ. ಕೂಡಲೇ ಕಂಕನಾಡಿ ಪೊಲೀಸರು ಆರೋಪಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ.

  ಈ ವೇಳೆ ಆರೋಪಿಯು, ಈ ಹಿಂದೆ ಹಲವು ಬಾರಿ ಮಂಗಳೂರಿಗೆ ಬಂದಿದ್ದು, ಹಣಕಾಸಿನ ವಿಚಾರಕ್ಕೆ ಸಂಬಂಧಿಸಿದಂತೆ ಮಾತಿನ ಚಕಮಕಿ ಉಂಟಾಗಿದೆ ಎಂದು ವಿಚಾರಣೆ ವೇಳೆ ತಿಳಿಸಿದ್ದಾನೆ ಎನ್ನಲಾಗಿದೆ.