ಉಡುಪಿ: ಅತಿಯಾದ ವೇಗ ತಂದ ಅವಾಂತರ; ಬಸ್ ಸ್ಟ್ಯಾಂಡ್ ನೊಳಗೆ ನುಗ್ಗಿ ಪ್ರಯಾಣಿಕರಿಗೆ ಬೈಕ್ ಡಿಕ್ಕಿ

•   Fri, Jun 07 2019 10:28:07 PM



• ಉಡುಪಿ, ಜೂ 07: (Daijiworld News/SM): ನಗರದ ಸಿಟಿ ಬಸ್ ನಿಲ್ದಾಣದ ಬಳಿ ಅತೀ ವೇಗವಾಗಿ ಚಲಾಯಿಸಿಕೊಂಡು ಬಂದ ಕೆಟಿ ಎಮ್ ಬೈಕ್ ಸವಾರನ ನಿಯಂತ್ರಣ ತಪ್ಪಿ ಬಸ್ ನಿಲ್ದಾಣದೊಳಗೆ ನುಗ್ಗಿ ಪ್ರಯಾಣಿಕರಿಗೆ ಡಿಕ್ಕಿ ಹೊಡೆದ ಘಟನೆ ಶುಕ್ರವಾರ‌‌ ರಾತ್ರಿ ನಡೆದಿದೆ.

  

  ಕಲ್ಸಂಕದಿಂದ ಝಿಗ್ ಝಿಗ್ ಮಾಡುತ್ತಾ ವೇಗವಾಗಿ ಬೈಕ್ ಚಾಲಾಯಿಸಿಕೊಂಡು ಬಂದ ಸವಾರ ಸಿಟಿ ಬಸ್ ನಿಲ್ದಾಣಕ್ಕೆ ನುಗ್ಗಿದ್ದಾನೆ. ಈ ಸಂದರ್ಭ ಬಸ್ ನಿಲ್ದಾಣದಲ್ಲಿ ವಾಹನ ದಟ್ಟನೆ ಇತ್ತು. ವಾಹನಗಳು ಅಡ್ಡ ಬಂದ ಹಿನ್ನಲೆಯಲ್ಲಿ ಬೈಕ್ ಸವಾರನ ನಿಯಂತ್ರಣ ಕಳೆದುಕೊಂಡು ಬಸ್ ನಿಲ್ದಾಣದೊಳಗೆ ನುಗ್ಗಿದೆ.

  ಈ ಸಂದರ್ಭದಲ್ಲಿ ಬಸ್ ಗಾಗಿ ಕಾಯುತ್ತಿದ್ದ ಇಬ್ಬರು ಮಹಿಳೆಯರಿಗೆ ಡಿಕ್ಕಿ ಹೊಡೆದಿದ್ದು ಮಹಿಳೆಯರು ಗಾಯಗೊಂಡು ಅಸ್ಪತ್ರೆ ಸೇರಿದ್ದಾರೆ. ಬೈಕ್ ಸವಾರಿ ಮಾಡುತ್ತಿದ್ದ ಯುವಕ ನಗರದ ಪ್ರತಿಷ್ಠಿತ ಚಿನ್ನದ ಮಳಿಗೆ ಮಾಲಕರ ಪುತ್ರ ಎಂದು ತಿಳಿದುಬಂದಿದೆ.

  ಪೊಲೀಸರ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.