ಕಾಸರಗೋಡು: ಮಹಿಳಾ ಶೋಷಣೆ ವಿರುದ್ಧ ಕ್ರಮ ಕೈಗೊಳ್ಳುವಂತೆ ರಾಜ್ಯ ಮಹಿಳಾ ಆಯೋಗದ ಸದಸ್ಯೆ ಪಿ.ಕುಞೆಂಶಾ ಸೂಚನೆ

•   Tue, Dec 24 2024 12:02:21 PM



• ಕಾಸರಗೋಡು, ಡಿ.24(DaijiworldNews/AA): ಉತ್ತರ ಕೇರಳದಲ್ಲಿ ಹಲವೆಡೆ ಮಹಿಳೆಯರನ್ನು ಗುರಿಯಾಗಿಟ್ಟುಕೊಂಡು ರಹಸ್ಯ ವಾಮಾಚಾರ ನಡೆಯುತ್ತಿರುವುದು ಮಹಿಳಾ ಆಯೋಗದ ಗಮನಕ್ಕೆ ಬಂದಿದ್ದು, ಈ ರೀತಿ ಮಹಿಳಾ ಶೋಷಣೆ ವಿರುದ್ಧ ಕ್ರಮ ತೆಗೆದುಕೊಳ್ಳುವಂತೆ ಜಾಗೃತ ಸಮಿತಿಗಳಿಗೆ ಸೂಚನೆ ನೀಡುವುದಾಗಿ ರಾಜ್ಯ ಮಹಿಳಾ ಆಯೋಗದ ಸದಸ್ಯೆ ಪಿ.ಕುಞೆಂಶಾ ಹೇಳಿದರು.

  ಕಾಸರಗೋಡು ಕಲೆಕ್ಟರೇಟ್ ಕಾನ್ಫರೆನ್ಸ್ ಹಾಲ್ ನಲ್ಲಿ ನಡೆದ ಮಹಿಳಾ ಆಯೋಗದ ಅದಾಲತ್ ಬಳಿಕ ಈ ಮಾಹಿತಿ ನೀಡಿದರು. ಕೆಲವು ಜಿಲ್ಲೆಗಳಲ್ಲಿ ಈ ಬಗ್ಗೆ ದೂರುಗಳೂ ಬಂದಿವೆ. ವಾಮಾಚಾರ, ಮಾಟಮಂತ್ರದ ಹೆಸರಿನಲ್ಲಿ ಬಡ ಮಹಿಳೆಯರನ್ನು ಶೋಷಣೆ ಮಾಡುವವರನ್ನು ಸಾರ್ವಜನಿಕವಾಗಿ ಬಯಲಿಗೆಳೆಯಬೇಕು. ಸಾಮಾನ್ಯ ಮಹಿಳೆಯರ ನಂಬಿಕೆಯನ್ನು ದುರ್ಬಳಕೆ ಮಾಡಿಕೊಂಡು ವಾಮಾಚಾರ, ವಾಮಾಚಾರಕ್ಕೆ ದಾರಿ ಮಾಡುವವರ ವಿರುದ್ಧ ಕ್ರಮ ಅಗತ್ಯ ಎಂದರು.

  ಕಾಸರಗೋಡಿನಲ್ಲಿ ಸೋಮವಾರ ನಡೆದ ಸಭೆಯಲ್ಲಿ 38 ದೂರುಗಳನ್ನು ಪರಿಗಣಿಸಲಾಯಿತು. ಈ ಪೈಕಿ 7 ಇತ್ಯರ್ಥಗೊಂಡಿದೆ. 31 ದೂರುಗಳನ್ನು ಮುಂದಿನ ಸಭೆಗೆ ಮುಂದೂಡಲಾಯಿತು.