ಎಕ್ಕೂರಿನಲ್ಲಿ ಬೈಕಿಗೆ ಲಾರಿ ಢಿಕ್ಕಿ - ಯುವಕ ಸಾವು

•   Tue, Jun 11 2019 10:03:10 AM



• ಮಂಗಳೂರು,ಜೂ 11 (Daijiworld News/MSP): ನಗರದ ಎಕ್ಕೂರಿನಲ್ಲಿ ಸೋಮವಾರ ರಾತ್ರಿ ಬೈಕಿಗೆ ಲಾರಿಯೊಂದು ಢಿಕ್ಕಿ ಹೊಡೆದು ಸಂಭವಿಸಿದ ಅಪಘಾತದಲ್ಲಿ ಬೈಕ್ ಸವಾರ ಸಾವನ್ನಪ್ಪಿದ್ದಾರೆ. ಮೃತ ಬೈಕ್ ಸವಾರನನ್ನು ಕುತ್ತಾರು ನಿವಾಸಿ ಸಾದಿಕ್ (34) ಎಂದು ಗುರುತಿಸಲಾಗಿದೆ.

  

  ಸಂಜೆ 7:30ರ ವೇಳೆಗೆ ಬೈಕ್ ಮತ್ತು ಲಾರಿ ಪಂಪ್‌ವೆಲ್ ಕಡೆಯಿಂದ ತೊಕ್ಕೋಟು ಕಡೆಗೆ ಸಂಚರಿಸುತ್ತಿದ್ದವು. ಎಕ್ಕೂರಿನ ಕೇಂದ್ರೀಯ ವಿದ್ಯಾಲಯದ ಬಳಿ ತಲುಪಿದಾಗ ಢಿಕ್ಕಿ ಹೊಡೆದು ಅಪಘಾತ ಸಂಭವಿಸಿದೆ. ದಕ್ಷಿಣ ಠಾಣೆಯ ಟ್ರಾಫಿಕ್ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.