ಮಂಗಳೂರು : ಜ.25 ರಂದು ದ.ಕ ಜಿ. ಪಂ.ಹಿ. ಪ್ರಾ. ಶಾಲೆ ಕಾಮಜಲಿನ ರಜತ ಸಂಭ್ರಮ 2025

•   Thu, Jan 23 2025 03:21:18 PM



• ಮಂಗಳೂರು, ಜ.23(DaijiworldNews/TA): ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್‌ ಹಿರಿಯ ಪ್ರಾಥಮಿಕ ಶಾಲೆ ಕಾಮಜಲಿನ ರಜತ ಸಂಭ್ರಮ 2025 ಹಾಗು ನೂತನ ತರಗತಿ ಕೊಠಡಿ ಉದ್ಘಾಟನಾ ಸಮಾರಂಭ ಜನವರಿ 25 ರ ಶನಿವಾರದಂದು ಜರುಗಲಿದೆ.

  

  

  ಪೂರ್ವಾಹ್ನ 9.30 ಕ್ಕೆ ಎಸ್‌ ಡಿ ಎಂ ಸಿ ಅಧ್ಯಕ್ಷರಾದ ಸುಂದರ ಕುಲಾಲ್‌ ಪಿ ದ್ವಜಾರೋಹಣ ನೆರವೇರಿಸಲಿದ್ದಾರೆ. ನಂತರ ನೂತನ ಕೊಠಡಿ ಉದ್ಘಾಟನಾ ಸಮಾರಂಭ ಮತ್ತು ಶಾಲೆಯ ವೀಡಿಯೋ ಚಿತ್ರೀಕರಣ ಬಿಡುಗಡೆ ಕಾರ್ಯಕ್ರಮ ನಡೆಯಲಿದೆ.

  ವಿಧಾನಸಭಾ ಸ್ಪೀಕರ್‌ ಯು.ಟಿ ಖಾದರ್‌ ಘನಉಪಸ್ಥಿತರಿರಲಿದ್ದು, ಸಭಾ ಕಾರ್ಯಕ್ರಮದ ಉದ್ಘಾಟನೆಯನ್ನು ಪುತ್ತೂರು ವಿಧಾನಸಭಾ ಶಾಸಕರಾದ ಅಶೋಕ್‌ ಕುಮಾರ್‌ ರೈ ನೆರವೇರಿಸಲಿದ್ದಾರೆ. ಸಭಾಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಮಾಣಿಲ ಗ್ರಾಮ ಪಂಚಾಯತ್‌ ನ ಅಧ್ಯಕ್ಷರಾದ ಶ್ರೀಧರ್‌ ಬಾಳೆಕಲ್ಲು ವಹಿಸಲಿದ್ದಾರೆ.

  ಧಕ್ಷಿಣ ಕನ್ನಡ ಲೋಕಸಭಾ ಸಂಸದ ಕ್ಯಾ.ಬ್ರಿಜೇಶ್ ಚೌಟ , ಶಾಸಕ ಮಂಜುನಾಥ್‌ ಭಂಡಾರಿ, ಶಾಸಕ ಕಿಶೋರ್‌ ಬಿ. ಆರ್‌ ಮತ್ತಿತರ ವಿಶೇಷ ಆಹ್ವಾನಿತರು ಪಾಲ್ಗೊಳ್ಳಲಿದ್ದಾರೆ.

  ಸಂಜೆ ನಾಲ್ಕು ಗಂಟೆಯಿಂದ ಶಾಲಾ ವಿದ್ಯಾರ್ಥಿಗಳಿಂದ ವಿವಧ ಸಾಂಸ್ಕೃತಿಕ ವೈಭವ ಮತ್ತು ಹಿರಿಯ ವಿದ್ಯಾರ್ಥಿಗಳಿಂದ ವಿವಿಧ ಮನೋರಂಜನಾ ಕಾರ್ಯಕ್ರಮ ಜರುಗಲಿದೆ. ರಾತ್ರಿ 10 ಗಂಟೆಗೆ ಹಿರಿಯ ವಿದ್ಯಾರ್ಥಿ ಸಂಘ ಪ್ರಾಯೋಜಿತ ಶ್ರೀ ದುರ್ಗಾ ಕಲಾತಂಡದ ಪುಗರ್ತೆ ಕಲಾವಿದೆರ್‌ ಮೈರ ಕೇಪು ಅಭಿನಯದ ತುಳು ಸಾಮಾಜಿಕ ನಾಟಕ ಕಾಂಚನ ಪ್ರದರ್ಶನಗೊಳ್ಳಲಿದೆ.