ವಿಟ್ಲ: ಬಾವಿಯಲ್ಲಿ ಸಿಲುಕಿಕೊಂಡಿದ್ದ ಯುವಕನ ರಕ್ಷಣೆ

•   Wed, Jun 12 2019 08:25:40 PM



• ವಿಟ್ಲ, ಜೂ 12 (Daijiworld News/SM): ಕೆಸರು ತೆಗೆಯಲು ಬಾವಿಗೆ ಇಳಿದು ಬಾವಿಯೊಳಗೆ ಸಿಲುಕಿಕೊಂಡಿದ್ದ ಯುವಕರೊಬ್ಬರನ್ನು ರಕ್ಷಿಸಿರುವ ಘಟನೆ ನಡೆದಿದೆ. ಫ್ರೆಂಡ್ಸ್ ವಿಟ್ಲ ತಂಡದ ಸದಸ್ಯರು ಕಾರ್ಯಾಚರಣೆ ನಡೆಸಿ ರಕ್ಷಣೆ ಮಾಡಿದ್ದಾರೆ.

  

  

  ವಿಟ್ಲದ ಸಾಲೆತ್ತೂರು ಎಂಬಲ್ಲಿ ವ್ಯಕ್ತಿಯೊಬ್ಬರ ಬಾವಿಯಲ್ಲಿ ಕೆಸರು ತುಂಬಿತ್ತು. ಅದನ್ನು ತೆರವುಗೊಳಿಸಲು ನೆಕ್ಕರೆಕಾಡು ಎಂಬಲ್ಲಿಯ ಯುವಕನೋರ್ವ ಬಾವಿಗೆ ಇಳಿದು, ಕೆಸರು ತೆಗೆಯುವ ಕಾರ್ಯಕ್ಕೆ ಮುಂದಾಗಿದ್ದ.

  ಆದರೆ, ಬಾವಿಯಿಂದ ಮೇಲೆ ಬರಲಾಗದೆ ಆತ ಚಡಪಡಿಸುತ್ತಿದ್ದ. ನಂತರ ಆತ ಮೇಲಿದ್ದವರಿಗೆ ಮಾಹಿತಿ ನೀಡಿದ್ದಾನೆ. ಈ ಸುದ್ದಿಯನ್ನು ಬಳಿಕ ಫ್ರೆಂಡ್ಸ್ ವಿಟ್ಲ ತಂಡಕ್ಕೆ ನೀಡಿದ್ದಾರೆ. ಫ್ರೆಂಡ್ಸ್ ವಿಟ್ಲ ತಂಡದ ಸದಸ್ಯರು ಸ್ಥಳಕ್ಕೆ ತೆರಳಿ ಕಾರ್ಯಾಚರಣೆ ನಡೆಸಿ ಯುವಕನನ್ನು ಮೇಲಕ್ಕೆತ್ತಿದ್ದಾರೆ. ಈ ತಂಡದ ಕಾರ್ಯಕ್ಕೆ ಇದೀಗ ಮೆಚ್ಚುಗೆ ವ್ಯಕ್ತವಾಗಿದೆ.