ಉಳ್ಳಾಲ: ಬಸ್-ಬೈಕ್ ಅಪಘಾತ - ಬೈಕ್ ಸವಾರ ದಾರುಣ ಸಾವು

•   Thu, Jun 13 2019 11:50:15 AM



• ಉಳ್ಳಾಲ, ಜೂ 13(Daijiworld News/MSP): ಬಸ್ ಮತ್ತು ಬೈಕ್ ನಡುವೆ ಸಂಭವಿಸಿದ ಅಪಘಾತದಲ್ಲಿ ಯುವಕನೋರ್ವ ಸಾವನ್ನಪ್ಪಿರುವ ಘಟನೆ ಕೊಣಾಜೆ ಠಾಣಾ ವ್ಯಾಪ್ತಿಯ ತಿಬ್ಲಪದವು ಸಮೀಪ ಜೂ. 13 ರ ಗುರುವಾರ ಬೆಳಿಗ್ಗೆ ಸಂಭವಿಸಿದೆ.

  

  

  ಕಂಬ್ಲಪದವು , ದೇವಿನಗರ ನಿವಾಸಿ ಹರ್ಷಿತ್ ಶೆಟ್ಟಿ (20) ಮೃತ ಯುವಕ. ಮಂಗಳೂರಿನಲ್ಲಿ ಎ.ಸಿ ಟೆಕ್ನೀಷಿಯನ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದ ಹರ್ಷಿತೆ ಮಂಗಳೂರಿಗೆ ತೆರಳುತ್ತಿದ್ದ ಸಂದರ್ಭ ಘಟನೆ ಸಂಭವಿಸಿದೆ. ಎದುರಿನಲ್ಲಿದ್ದ ವಾಹನವನ್ನು ಓವರ್ ಟೇಕ್ ಮಾಡುವ ಭರದಲ್ಲಿ ಎದುರುಗಡೆಯಿದ್ದ ಬಸ್ ಬೈಕಿಗೆ ಢಿಕ್ಕಿ ಹೊಡೆದು, ಹರ್ಷಿತ್ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಇವರು ಪಜೀರು ಗ್ರಾ.ಪಂ ಸದಸ್ಯೆ ಸುಜಾತಾ ಶೆಟ್ಟಿ ಎಂಬವರ ಅವಳಿ-ಜವಳಿ ಪುತ್ರರಲ್ಲಿ ಓರ್ವನಾಗಿದ್ದಾರೆ.

  ತಾನು ಖರೀದಿಸಿದ್ದ ಹೊಸ ಬೈಕನ್ನು ಮನೆಯಲ್ಲೇ ಬಿಟ್ಟು, ಸ್ನೇಹಿತನ ಬೈಕಿನಲ್ಲಿ ಹೊರಟಿದ್ದರು. ಮಂಗಳೂರು ದಕ್ಷಿಣ ಸಂಚಾರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.