ಮಂಗಳೂರು: ಶ್ರೀಮಂತರಂತೆ ನಟಿಸಿ ದರೋಡೆ; ನಾಲ್ವರು ಖದೀಮರ ಬಂಧನ

•   Mon, Jun 17 2019 08:11:41 PM



• ಮಂಗಳೂರು, ಜೂ 17 (Daijiworld News/SM): ಶ್ರೀಮಂತ ವ್ಯಕ್ತಿಗಳ ರೀತಿ ಮುಖವಾಡ ಧರಿಸಿ ಹಗಲು ಸಮಯದಲ್ಲಿ ಐಷಾರಾಮಿ ಕಾರುಗಳಲ್ಲಿ ತಿರುಗಾಡಿ ರಾತ್ರಿ ಹೊತ್ತು ಶ್ರೀಮಂತರ ಮತ್ತು ಯಾರು ಇಲ್ಲದ ಮನೆಗಳನ್ನು ಟಾರ್ಗೇಟ್ ಮಾಡಿ ಕಳ್ಳತನ ಮಾಡುತ್ತಿದ್ದ ನಾಲ್ವರು ಖದೀಮರನ್ನು ಬಂಧಿಸಲಾಗಿದೆ.

  

  

  

  ಮೂಲತಃ ಇವರು ಮಂಗಳೂರಿನ ಮುಲ್ಕಿ ಪರಿಸರದವರು ಎನ್ನಲಾಗಿದೆ. ರಾತ್ರಿ ಸಮಯದಲ್ಲಿ ಮನೆಗಳಿಗೆ ನುಗ್ಗಿ ಚಿನ್ನಾಭರಣ, ನಗದು ಹಾಗೂ ಇನ್ನಿತರ ಅಮೂಲ್ಯ ವಸ್ತುಗಳನ್ನು ಕಳ್ಳತನ ಮಾಡುತ್ತಿದ್ದರು. ಪ್ರಮುಖ ಖದೀಮರ ಪಟ್ಟಿಯಲ್ಲಿ ಹಿಯಾಝ್ ಕಾರ್ನಾಡ್ ಎಂಬಾತನ ಜೊತೆ ನಾಲ್ವರನ್ನು ಪೊಲೀಸರು ಬಂಧಿಸಿದ್ದಾರೆ.

  ಹಿಯಾಝ್ ನೇತೃತ್ವದ ತಂಡದಿಂದ ಕಳ್ಳತನ ಮಾಡಲಾಗುತ್ತಿತ್ತು ಎನ್ನಲಾಗಿದೆ. ಬಂಧಿತ ಆರೋಪಿಗಳಿಂದ ಕಾರು , 3 ರಾಯಲ್ ಎನ್ ಫೀಲ್ಡ್ ಬುಲೆಟ್ ಬೈಕ್ ಹಾಗೂ ಲಕ್ಷಾಂತರ ರೂಪಾಯಿ ಮೌಲ್ಯದ ಚಿನ್ನಾಭರಣಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

  ಇನ್ನು ಪ್ರಕರಣದಲ್ಲಿ ಭಾಗಿಯಾಗಿ ತಲೆ ಮರೆಸಿಕೊಂಡಿರುವ ಆರೋಪಿಗಳಿಗಾಗಿ ಪೊಲೀಸ್ ತಂಡ ಕಾರ್ಯಾಚರಣೆ ನಡೆಸುತ್ತಿದೆ.