ದಾಯ್ಜಿ ವಾಹಿನಿಗೆ 5ನೇ ವರ್ಷದ ಸಂಭ್ರಮ; ಮನೋರಂಜನೆಯೊಂದಿಗೆ ಪಾರದರ್ಶಕ ಸುದ್ದಿ ನೀಡಿದ ಸಾರ್ಥಕತೆ

•   Wed, Jun 19 2019 07:21:49 AM



• ಮಂಗಳೂರು, ಜೂ 18 (Daijiworld News/SM): ದೇಶ, ವಿದೇಶಗಳಲ್ಲಿ ಖ್ಯಾತಿಯನ್ನು ಪಡೆದಿರುವ ದಾಯ್ಜಿವರ್ಲ್ಡ್ ಡಾಟ್ ಕಾಂನ ಸಹಸಂಸ್ಥೆ ದಾಯ್ಜಿವರ್ಲ್ಡ್ ಸುದ್ದಿವಾಹಿನಿ ಐದು ವಸಂತಗಳನ್ನು ಪೂರ್ಣಗೊಳಿಸಿದೆ. ಮನೋರಂಜನೆಯೊಂದಿಗೆ ನಿಖರ, ಪ್ರಖರ ಸುದ್ದಿಗಳನ್ನು ನೀಡಿರುವ ಸಾರ್ಥಕತೆಯನ್ನು ಸಂಸ್ಥೆ ಹೊಂದಿದೆ.

  

  

  

  

  

  ಈ ಹಿನ್ನೆಲೆಯಲ್ಲಿ 5ನೇ ವರ್ಷದ ಸಂಭ್ರಮೋತ್ಸವ ನಗರದ ಬೊಂದೇಲ್‌ನಲ್ಲಿರುವ ಪ್ರಧಾನ ಕಚೇರಿಯಲ್ಲಿ ಜರುಗಿತು. ಕೇಕ್ ಕತ್ತರಿಸುವ ಮೂಲಕ ಐದನೇ ವರ್ಷದ ಸಂಭ್ರಮಕ್ಕೆ ದಾಯ್ಜಿವರ್ಲ್ಡ್‌ವಾಹಿನಿ ನಿರ್ದೇಶಕ ಅಲೆಕ್ಸ್ ಕ್ಯಾಸ್ಟೆಲಿನೋ ಮತ್ತು ದಾಯ್ಜಿವರ್ಲ್ಡ್‌ ಡಾಟ್ ಕಾಂನ ಆಡಳಿತ ನಿರ್ದೇಶಕ ಮೆಲ್ವಿನ್ ರೋಡ್ರಿಗಸ್ ಚಾಲನೆ ನೀಡಿದರು.

  ಬಳಿಕ ಮಾತನಾಡಿದ ಅಲೆಕ್ಸ್ ಕ್ಯಾಸ್ಟೆಲಿನೋ, ಇಂದು ದಾಯ್ಜಿವರ್ಲ್ಡ್ ವಾಹಿನಿ ಪ್ರತಿಯೊಬ್ಬರ ಮನೆ ಮಾತಾಗಿದ್ದು, ಎಲ್ಲರ ಅಚ್ಚುಮೆಚ್ಚಿನ ವಾಹಿನಿಯಾಗಿ ಮೂಡಿ ಬಂದಿದೆ. ಇದಕ್ಕೆ ವಾಹಿನಿಯ ಸಿಬ್ಬಂದಿಗಳ ಶ್ರಮವೇ ಕಾರಣವಾಗಿದೆ. ಎಲ್ಲರೂ ಒಟ್ಟು ಸೇರಿ ಶ್ರಮಪಟ್ಟ ಫಲದಿಂದ ಇಂದು ನಮ್ಮ ಸುದ್ದಿವಾಹಿನಿ ಅತ್ಯುತ್ತಮ ಹೆಸರುಗಳಿಸಲು ಸಾಧ್ಯವಾಗಿದೆ. ಇದಕ್ಕೆ ಶ್ರಮಿಸಿದ ಎಲ್ಲಾ ಸಿಬ್ಬಂದಿಗಳಿಗೂ ಅಭಿನಂದನೆ ಸಲ್ಲಿಸಿ ಮುಂದೆಯೂ ಎಲ್ಲರ ಸಹಕಾರವನ್ನು ಕೋರಿದರು.

  ಬಳಿಕ ಮಾತನಾಡಿದ ಮೆಲ್ವಿನ್ ರೋಡ್ರಿಗಸ್, ಇಂದು ದಾಯ್ಜಿವರ್ಲ್ಡ್ ವಾಹಿನಿ ಜೊತೆಗೆ ದಾಯ್ಜಿವರ್ಲ್ಡ್‌ಡಾಟ್ ಕಾಂ, ಕನ್ನಡ ವೆಬ್‌ಸೈಟ್, ಆಡಿಯೋ ವಿಶುವಲ್ ಸ್ಟುಡಿಯೋ ಎಲ್ಲರಿಗೂ ಚಿರಪರಿಚಿತವಾಗಿದೆ. ದಾಯ್ಜಿವರ್ಲ್ಡ್ ವಾಹಿನಿ ಇಷ್ಟೊಂದು ಉನ್ನತ ಮಟ್ಟಕ್ಕೆ ಬೆಳೆದು ಬರಲು ವೀಕ್ಷಕರ ಸಹಕಾರವೇ ಕಾರಣವಾಗಿದ್ದು, ಜಾಹೀರಾತುಗಳನ್ನು ನೀಡಿ ಪ್ರೋತ್ಸಾಹಿಸಿದ ಉದ್ಯಮಿಗಳಿಗೆ, ಕೇಬಲ್ ಆಪರೇಟರ್‌ಗಳಿಗೆ ಎಲ್ಲರಿಗೂ ಕೃತಜ್ಞತೆಗಳನ್ನು ಸಲ್ಲಿಸಿದರು.

  ಕಾರ್ಯಕ್ರಮದಲ್ಲಿ ನಿರ್ದೇಶಕರಾದ ಲಾರೆನ್ಸ್, ದಾಯ್ಜಿವರ್ಲ್ಡ್ ಮೀಡಿಯಾ ಪ್ರೈ ಲಿ.ನ ಮಾರ್ಕೆಟಿಂಗ್ ಮ್ಯಾನೇಜರ್ ಪ್ರವೀಣ್ ತೌವ್ರೋ, ಹ್ಯೂಮನ್ ರಿಸೋರ್ಸ್ ಡೈರೆಕ್ಟರ್ ರೊನಾಲ್ಡ್ ನಜರೆತ್, ದಾಯ್ಜಿವರ್ಲ್ಡ್‌ವಾಹಿನಿ ಪ್ರೊಡಕ್ಷನ್ ಡೈರೆಕ್ಟರ್ ಆಶಿತ್ ಪಿಂಟೋ, ಪ್ರೊಡಕ್ಷನ್ ಮ್ಯಾನೇಜರ್ ಮೊಹ್ಮದ್ ನಿಸಾರ್, ಸುದ್ದಿವಿಭಾಗದ ಮುಖ್ಯಸ್ಥ ಚಂದ್ರಶೇಖರ ಅರಿಬೈಲು ಮೊದಲಾದವರು ಉಪಸ್ಥಿತರಿದ್ದರು.

  ಸುದ್ದಿವಾಹಿನಿಯ ಬುಲೆಟಿನ್ ಪ್ರೊಡ್ಯೂಸರ್, ಆಂಕರ್ ಸಂತೋಷ್ ಕಾರ್ಯಕ್ರಮ ನಿರೂಪಿಸಿದರು.