ಉಡುಪಿ: ಬುಡ ಸಮೇತ ನೆಲಕ್ಕುರುಳಿದ ಬೃಹತ್ ಮರ - ಇಬ್ಬರಿಗೆ ಗಾಯ - ನಾಲ್ಕು ಕಾರು ಜಖಂ

•   Fri, Jun 21 2019 05:20:33 PM



• ಉಡುಪಿ, ಜೂ 21 (Daijiworld News/MSP): ಇಲ್ಲಿನ ಕೆ.ಎಂ.ಸಿ ಆಸ್ಪತ್ರೆ ಆವರಣದಲ್ಲಿದ್ದ ಬೃಹತ್ ಗಾತ್ರದ ಮರವೊಂದು ಇದ್ದಕ್ಕಿದ್ದಂತೆ ಬುಡ ಸಮೇತ ನೆಲಕ್ಕುರುಳಿದ ಪರಿಣಾಮ ಇಬ್ಬರು ಗಾಯಗೊಂಡಿರುವ ಘಟನೆ ಜೂ.21 ರ ಶುಕ್ರವಾರ ನಡೆದಿದೆ.

  

  

  

  

  ಆಸ್ಪತ್ರೆ ಆವರಣದ ಪಾರ್ಕಿಂಗ್ ಸ್ಥಳದಲ್ಲಿದ್ದ ಬೃಹತ್ ಗಾತ್ರದ ಮರ ಇದ್ದಕ್ಕಿದ್ದಂತೆ ಬುಡ ಸಮೇತ ಉರುಳಿಬಿದ್ದಿದ್ದು, ಅದೃಷ್ಟವಶಾತ್ ಯಾವುದೇ ಪ್ರಾಣಹಾನಿಯಾಗಿಲ್ಲ. ಆದರೆ ನಾಲ್ಕು ಕಾರು ಜಖಂ ಆಗಿದ್ದು ಅಪಾರ ನಷ್ಟ ಉಂಟಾಗಿದೆ.

  ಈ ಮರದಲ್ಲಿ ಬಾವಲಿಗಳ ಅವಾಸ ಸ್ಥಾನವಾಗಿದ್ದು, ಮರ ಬಿದ್ದ ತಕ್ಷಣ ನೂರಾರು ಬಾವಲಿಗಳು ದಿಕ್ಕಪಾಲಾಗಿ ಹಾರಾಡಿದೆ. ಸ್ಥಳಕ್ಕೆ ಅಗ್ನಿಶಾಮಕ ದಳ ಆಗಮಿಸಿದ್ದು ಮರವನ್ನು ತೆರವುಗೊಳಿಸುವ ಕಾರ್ಯಾಚರಣೆ ತೊಡಗಿಸಿಕೊಂಡಿದ್ದಾರೆ.