ಮಂಗಳೂರು: 40 ಮಂದಿಯಿಂದ ಜಲಯೋಗ- ಈಜುತ್ತಲೇ ಪ್ರಧಾನಿಗೆ ಪತ್ರ ಬರೆದ ಈಜುಗಾರ

•   Sat, Jun 21 2025 06:18:11 PM



• ಮಂಗಳೂರು, ಜೂ. 21 (DaijiworldNews/AK):ಮಂಗಳೂರು ನಗರದ ಮನಪಾದ ಮಂಗಳ ಈಜುಕೊಳದಲ್ಲಿ ಹವ್ಯಾಸಿ ಈಜುಗಾರರು ಜಲಯೋಗ ಮಾಡಿ ಅಂತಾರಾಷ್ಟ್ರೀಯ ಯೋಗ ದಿನವನ್ನು ವಿಶಿಷ್ಟವಾಗಿ ಆಚರಿಸಿದರು.

  ಈ ವೇಳೆ ಮೀನುಗಾರಿಕಾ ವಿಶ್ವವಿದ್ಯಾಲಯದ ನಿವೃತ್ತ ಡೀನ್ ಒಬ್ಬರು ಜಲಯೋಗ ಮಾಡುತ್ತಾ ಮೋದಿಗೆ ಪತ್ರ ಬರೆದಿದ್ದಾರೆ. 40ಮಂದಿ ಈಜುಗಾರರು ಈಜುತ್ತಾ ಯೋಗ ಪ್ರದರ್ಶಿಸಿರುವುದು ಆಕರ್ಷಣೆಯಾಗಿತ್ತು.

  ನೀರಿನಲ್ಲಿ ತೇಲುತ್ತಾ ಶವಾಸನ, ಪದ್ಮಾಸನ ಮುಂತಾದ ಯೋಗ ಭಂಗಿ ಮಾಡಿದರು. ವಿಶೇಷವೆಂದರೆ ಮಂಗಳೂರಿನ ಎಕ್ಕೂರಿನ ಮೀನುಗಾರಿಕಾ ವಿಶ್ವವಿದ್ಯಾಲಯದ ನಿವೃತ್ತ ಡೀನ್ ಎಂ.ಎಸ್. ಶಿವಪ್ರಕಾಶ್ ಜಲಯೋಗ ಮಾಡುತ್ತಾ, ಪ್ರಧಾನಿ ಮೋದಿಗೆ ಪತ್ರ ಬರೆದು ಗಮನ ಸೆಳೆದರು.

  ಪತ್ರದಲ್ಲಿ ಡಿಯರ್ ಮೋದಿಜಿ, ಹ್ಯಾಪಿ ಇಂಟರ್ ನ್ಯಾಷನಲ್ ಯೋಗ ಡೇ. ಐ ಯಾಮ್ ರೈಟಿಂಗ್ ದಿಸ್ ಪೋಸ್ಟ್ ಕಾರ್ಡ್ ವೈಲ್ ಸ್ವಿಮ್ಮಿಂಗ್ ಇನ್‌ದ ಪೂಲ್.- ಫಿಟ್ ಇಂಡಿಯಾ  ಎಂದು ಈಜುತ್ತಲೇ ಪತ್ರ ಬರೆದರು.