ವೈರಲ್ ಆಗುತ್ತಿದೆ ಎಸ್.ಜೆ. ಶಶಾಂಕ್ ಆಚಾರ್ಯ ಕೈಚಳಕದಲ್ಲಿ ಮೂಡಿಬಂದ ಮಂತ್ರದೇವತೆಯ ಚಿತ್ರ

•   Tue, Jun 25 2019 11:24:45 AM



• ಮಂಗಳೂರು, ಜೂ25(Daijiworld News/SS): ಕರಾವಳಿಯ ಮನೆ ಮನೆಗಳಲ್ಲಿ ಆರಾಧಿಸುವ ದೈವ ಮಂತ್ರದೇವತೆಯ ಮುಖವರ್ಣಿಕೆಯ ವೆಕ್ಟರ್ ಪೈಯ್ಟಿಂಗ್ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ.

  

  

  ಕಲಾವಿದ - ಎಸ್.ಜೆ. ಶಶಾಂಕ್ ಆಚಾರ್ಯ

  ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವ ಈ ಚಿತ್ರದ ಹಿಂದೆ ಇರುವ ಕುಂಚ ಕಲಾವಿದ ಎಸ್.ಜೆ. ಶಶಾಂಕ್ ಆಚಾರ್ಯ. ಕಳೆದ 2 ತಿಂಗಳ ಹಿಂದೆ ಕಾರಣಿಕದ ದೈವಶಕ್ತಿ ಕೊರಗಜ್ಜನ ಮುಖವರ್ಣಿಕೆಯ ಚಿತ್ರವನ್ನು ವೆಕ್ಟರ್ ಪೈಂಟಿಂಗ್ ಮೂಲಕ ಬಿಡಿಸಿದ್ದ ಎಸ್.ಜೆ. ಶಶಾಂಕ್ ಆಚಾರ್ಯ, ಇದೀಗ ಕರಾವಳಿಯ ಮನೆ-ಮನಗಳಲ್ಲೂ ಸ್ಥಾನ ಪಡೆದ ಮಂತ್ರದೇವತೆಯ ಮುಖವರ್ಣಿಕೆಯ ವೆಕ್ಟರ್ ಪೈಯ್ಟಿಂಗ್ ಚಿತ್ರ ಬರೆದು ಸುದ್ದಿಯಲ್ಲಿದ್ದಾರೆ.

  ಎಸ್.ಜೆ. ಶಶಾಂಕ್ ಆಚಾರ್ಯ ಅವರ ಕುಂಚದಿಂದ ಮೂಡಿಬಂದಿರುವ ನರೇಂದ್ರ ಮೋದಿ ಮತ್ತು ಅಟಲ್ ಬಿಹಾರಿ ವಾಜಪೇಯಿ ಅವರ ಅರ್ಧ ಮುಖವರ್ಣಿಕೆಯ ಚಿತ್ರ ಜನರ ಮೆಚ್ಚುಗೆಗೆ ಪಾತ್ರವಾಗಿತ್ತು. ಇದೀಗ ಎಸ್.ಜೆ. ಶಶಾಂಕ್ ಆಚಾರ್ಯ ಕೈಚಳಕದಲ್ಲಿ ಮೂಡಿಬಂದಿರುವ ಮಂತ್ರದೇವತೆಯ ವೆಕ್ಟರ್ ಆರ್ಟ್ ಜನರ ಗಮನ ಸೆಳೆಯುತ್ತಿದೆ.

  ಕಪ್ಪು ವರ್ಣದ ದೈವ ಶಕ್ತಿ ಮಂತ್ರದೇವತೆಯ ರೂಪವನ್ನು ಶಶಾಂಕ್ ಸುಂದರವಾಗಿ ಚಿತ್ರಿಸಿದ್ದಾರೆ. ನಗರದ ರಥಬೀದಿಯಲ್ಲಿ ಡಿಸೈನ್ ಸ್ಟುಡಿಯೋ ಹೊಂದಿರುವ ಶಶಾಂಕ್ ಅವರ ಕುಂಚದಿಂದ ಮೂಡಿಬಂದಿರುವ ತಾಯಿ ಮಂತ್ರದೇವತೆಯ ಈ ಚಿತ್ರ ಸಾಮಾಜಿಕ ಜಾಲತಾಣದಲ್ಲಿ ರಾರಾಜಿಸುತ್ತಿದೆ.