ಉಡುಪಿ: ವಸತಿ ಸಮುಚ್ಚಯದ ಬಳಿ ಗಾಂಜಾ ಮಾರಾಟ; ಆರೋಪಿಯ ಬಂಧನ

•   Tue, Jun 25 2019 09:15:48 PM



• ಉಡುಪಿ, ಜೂ 24 (Daijiworld News/SM): ವಸತಿ ಸಮುಚ್ಛಯದ ಬಳಿ ಗಾಂಜಾ ಮಾರಾಟ ಮಾಡಲು ಯತ್ನಿಸುತ್ತಿದ್ದ ಆರೋಪಿಯೋರ್ವನನ್ನು ಬಂಧಿಸಿರುವ ಘಟನೆಯೊಂದು ಮಣಿಪಾಲದ ವಿದ್ಯಾರತ್ನ ನಗರದಲ್ಲಿ ನಡೆದಿದೆ.

  

  ಪಶ್ಚಿಮ ಬಂಗಾಳ ಮೂಲದ ಪ್ರಖಾರ್ ಶ್ರೀವಾಸ್ತವ(24) ಎಂಬಾತ ಬಂಧಿತ ಆರೋಪಿ. ಜಿಲ್ಲಾ ಸೆನ್ ಅಪರಾಧ ಪೊಲೀಸ್ ನಿರೀಕ್ಷಕ ಸೀತಾರಾಮ್ ಅವರಿಗೆ ದೊರೆತ ಖಚಿತ ಮಾಹಿತಿಯಂತೆ ಕಾರ್ಯಾಚರಣೆ ನಡೆಸಲಾಗಿದೆ.

  ಬಂಧಿತನಿಂದ 5.28 ಕೆ.ಜಿ. ತೂಕದ ಸುಮಾರು 1 ಲಕ್ಷ 30 ಸಾವಿರ ಮೌಲ್ಯದ ಗಾಂಜಾ, 5 ಸಾವಿರ ಮೌಲ್ಯದ ಮೊಬೈಲ್, 1,250 ರೂ ಮೌಲ್ಯದ ತೂಕ ಯಂತ್ರ ಸಹಿತ ವಶಪಡಿಸಿಕೊಳ್ಳಲಾಗಿದೆ.