ಮಂಗಳೂರು: ಬೋಂದೆಲ್‌ ಸೇಂಟ್‌ ಲಾರೆನ್ಸ್ ಪುಣ್ಯ ಕ್ಷೇತ್ರಕ್ಕೆ ಯು.ಟಿ. ಖಾದರ್ ಭೇಟಿ

•   Sat, Aug 09 2025 04:31:02 PM



• ಮಂಗಳೂರು,ಆ. 09 (DaijiworldNews/AK):ಬೋಂದೆಲ್‌ ಸೇಂಟ್‌ ಲಾರೆನ್ಸ್ ಪುಣ್ಯ ಕ್ಷೇತ್ರವು ವಾರ್ಷಿಕ ಮಹೋತ್ಸವದ ಸಂಭ್ರಮದಲ್ಲಿದ್ದು, ಶನಿವಾರ ಕರ್ನಾಟಕ ವಿಧಾನ ಸಭೆಯ ಸ್ಪೀಕರ್ ಯು.ಟಿ. ಖಾದರ್ ಅವರು ಪುಣ್ಯ ಕ್ಷೇತ್ರಕ್ಕೆ ಭೇಟಿ ನೀಡಿದರು.

  ಅವರನ್ನು ಧರ್ಮಗುರು ಹಾಗೂ ಕ್ಷೇತ್ರದ ರೆಕ್ಟರ್ ವಂದನೀಯ ಫಾ. ಆಂಡ್ರ್ಯೂ ಲಿಯೋ ಡಿ'ಸೋಜಾ ಅವರು ಹೂವಿನ ಪುಷ್ಪಗುಚ್ಛ ನೀಡಿ ಸ್ವಾಗತಿಸಿದರು. ಸ್ಪೀಕರ್ ಯು.ಟಿ. ಖಾದರ್ ಅವರು ಮೇಣದ ಬತ್ತಿಗಳನ್ನು ಬೆಳಗಿಸಿ ಪ್ರಾರ್ಥನೆ ಸಲ್ಲಿಸಿದರು. ಬಳಿಕ ಅವರನ್ನು ಪುಣ್ಯ ಕ್ಷೇತ್ರದ ವತಿಯಿಂದ ಗೌರವ ಮತ್ತು ಕೃತಜ್ಞತೆಯ ಸಂಕೇತವಾಗಿ ಶಾಲು ಮತ್ತು ಸ್ಮರಣಿಕೆಯೊಂದಿಗೆ ಸನ್ಮಾನಿಸಲಾಯಿತು.

  ಬಳಿಕ ಯು.ಟಿ. ಖಾದರ್ ಅವರು ಮಾತನಾಡಿ ಮುಂಬರುವ ಸಂತ ಲಾರೆನ್ಸರ ಹಬ್ಬಕ್ಕೆ ಮತ್ತು ಎಲ್ಲಾ ಧರ್ಮಗುರುಗಳಿಗೆ ಮತ್ತು ಭಕ್ತರಿಗೆ ಶುಭಾಶಯಗಳನ್ನು ಸಲ್ಲಿಸಿದರು.

  ಪುಣ್ಯಕ್ಷೇತ್ರದ ಸಂಚಾಲಕ ಪ್ರಕಾಶ್ ಪಿಂಟೊ, ಮಾಜಿ ಸಂಚಾಲಕ ರೂಡಿ ಪಿಂಟೊ, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷ ಶ್ರೀ ಸ್ಟ್ಯಾನಿ ಅಲ್ವಾರಿಸ್, ಜಿಲ್ಲಾ ಪಂಚಾಯತಿನ ಮಾಜಿ ಸದಸ್ಯ ಮೆಲ್ವಿನ್‌ ಡಿ'ಸೋಜಾ, ಚರ್ಚ್ ಪಾಲನಾ ಸಮಿತಿ ಸದಸ್ಯರು ಹಾಗೂ ಭಕ್ತರು ಉಪಸ್ಥಿತರಿದ್ದರು.