ಮಂಗಳೂರು: ಕಂಠಪೂರ್ತಿ ಮದ್ಯ ಸೇವಿಸಿ ಬಸ್ ಗೆ ಕಲ್ಲು ತೂರಿದ ಕುಡುಕ

•   Fri, Jun 28 2019 08:14:23 PM



• ಮಂಗಳೂರು, ಜೂ 28 (Daijiworld News/SM):ಕೆಎಸ್ ಆರ್ ಟಿಸಿ ಬಸ್ ಗೆ ಕುಡುಕನೊಬ್ಬ ಕಲ್ಲು ತೂರಾಟ ನಡೆಸಿದ ಘಟನೆ ನಗರದ ಗರೋಡಿ ಬಳಿ ನಡೆದಿದೆ. ಪ್ರಸಾದ್ ಪ್ರಕರಣ ಆರೋಪಿಯಾಗಿದ್ದು ಆತನನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.

  

  ದಾವಣಗೆರೆ ಯಿಂದ ಮಂಗಳೂರು ಕಡೆಗೆ ಕೆ.ಎಸ್.ಅರ್.ಟಿ.ಸಿ ಬಸ್ ಆಗಮಿಸುತ್ತಿತ್ತು. ನಗರದ ಗರೋಡಿ ಬಳಿ ಬಸ್ ತಲುಪುತ್ತಿದ್ದಂತೆ ಕುಡುಕ ಕುಡಿದ ಮತ್ತಿನಲ್ಲಿ ಬಸ್ ಗೆ ಕಲ್ಲು ತೂರಾಟ ನಡೆಸಿದ್ದಾನೆ.

  ಕುಡುಕ ತೂರಾಡಿದ ಕಲ್ಲು ಬಸ್ ನ ಹಿಂಬದಿಯ ಗಾಜಿಗೆ ಬಿದ್ದು ಹಾನಿ ಸಂಭವಿಸಿದೆ. ಘಟನೆಗೆ ಅತಿಯಾದ ಮದ್ಯದ ಅಮಲೇ ಹೊರತು ಇತರ ಯಾವುದೇ ಕಾರಣಗಳಿಲ್ಲ ಎಂಬುವುದು ವಿಚಾರಣೆಯಿಂದ ತಿಳಿದು ಬಂದಿದೆ.

  ಕಂಕನಾಡಿ ನಗರ ಠಾಣಾ ಪೊಲೀಸರು ಆರೋಪಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ.